Follow me on Instagram

2018年3月23日 星期五

Alto 88 - 週日,要悠閒渡過~



食物:$$$1/2
環境:$$$$
服務:$$$$

累透的一星期,禮拜日必定要相約朋友出來吃個Brunch,輕鬆下,忙碌才有意義。

去那裡食Brunch,真的無所謂,大家志在氣氛大於一切,有人提議去銅鑼灣富豪酒店的Alto 88,本人冇異議,皆因我根本未曾試過。

半自助餐形式的早午餐,各位可以食住頭盤等遲來的朋友,大家咁熟完全唔須要客氣。
     


頭盤有唔少沙律菜蔬,又紅菜頭咁,感覺蠻健康,另有海鮮也是賣點,尤其是生蠔,香港人最喜歡。


簡單拿了兩隻蟹腳,同埋生蠔及其他東東回來。一口生蠔一口汽酒,享受著假日的悠閒。另外,風乾火腿配哈密瓜,從來也是我的心頭好。


各式Pasta也是任點任食,廚子即做,二人分了些來吃,免得太飽吃不下其他東西,還好。


正如朋友占占所言,早午餐若欠缺蛋類食品,感覺始終不太圓滿。因此,請廚子即煎了份火腿蘑菇奄列,齊齊分享。雞蛋總算煎得香嫩,火腿以及蘑菇豐富了口感。


看見外面的餐車有肉類供應,還以為是燒牛肉,原來係羊肉,有夠特別。拿一份回來幾條友分,每人一小件,剛好。肉質沒有太嚡及太羶。


飽左大半,再唔上主菜的話,恐怕我要放棄。三款主菜之中,筆者揀來牛肉。鬆化的小牛扒,結合火箭菜及芝士,美味,我整碟吃清光,連車厘茄也吃得半粒不剩,我何時變得咁有戰鬥力架?


飽了九成九,甜品只是象徵式嚐了幾款,無奈要投降。


雪糕四款,士多啤梨、雲尼拿、芒果與朱古力,水準是高,早應保留食力吞下幾球才對,策略錯了。


呷幾口咖啡,美好既時光又快要終結,為何我沒有叮噹留住光陰的法寶?

餐廳資料:
Alto 88
28371799

4 則留言: