新店速遞：叁拾壹高烤吐司 - 一腳踢

食物：$$$$
環境：$$$$
服務：$$$1/2

相比起我呢個朋友，筆者的飲食知識及資訊，簡直皮毛過皮毛，佢講既十間餐廳，有九間我都唔認識。

佢今次提議去荃灣工廈內的一間食肆，本人雖家住荃灣，卻完全沒聽聞過，原來是新開業的。

小店位置不多，十個座位左右，但就是One Man Band，製作食物、沖調飲品、出餐、以致招呼客人，全部一腳踢，佩服佩服。正因為此，出餐時間會比較慢，大家要俾啲耐性，趕時間的話，可能未必合適過來。
 

點了兩份不同款式的吐司，分甘同味。多層次蛋吐司，兩片薄薄的多士，包裹著頗厚身的雞蛋。吃起來外微微帶脆，雞蛋嫩熟，還混入點薯仔粒，水準蠻不錯的。

蒜香雞扒蛋吐司是我的選擇，多士跟上一份水準如差不多，雞蛋則是薄身一片，但煎得香口。雞扒嫩滑，蒜香適可而止，與剛才的多層次蛋各有千秋。

萬料不及，呢度杯熱奶茶，香濃可口，比很多茶餐廳還要出色。

唔通，第日我要上來淨買杯奶茶攞走？

埋單時，忘記問佢請唔請人。

餐廳資料:
叁拾壹高烤吐司
荃灣橫龍街43-57號龍力工業大廈7樓10號舖
55403134