Follow me on Instagram

2018年2月21日 星期三

新店速遞:Tsugu - 吃著鐵板燒話當年



食物:$$$1/2
環境:$$$$
服務:$$$$

有朋自英國來,不亦樂乎,當然更要盡地主之誼,帶他去食好西,兼逛下。

屈指一算,我番左嚟香港,已接近十六年,當年睇住佢出世的BB, 依家都已經夠秤攞成人身份証,想唔認老都唔得。

我諗,可以帶佢去D2 Place。一來商埸開左好多新餐廳,而且商舖都是比較有特色,唔係清一色大型連鎖店。

在二期逛左個圈,決定去這家新開業的"繼"吃鐵板燒,在大英帝國大概很難找到似樣的Teppanyaki

大家都選了"竹"的午市定食,其實都很豐富了。
    


以清爽的沙律作序幕,各式沙律菜新鮮,配以胡麻醬夠開胃,特色是面頭放了一抽海葡萄,可惜有欠其應有的清爽個性。


收起沙律的碟子,鐵板燒師傅的銀鱈魚也差不多就緒,頗大塊的鱈魚,魚皮弄得脆卜卜,鱈魚本身個性就是嫩滑,油份豐盈,唯一要挑剔的,係有少許骨。


接下來,大蝦和北海道帆立貝,二擇其一,我要了大蝦,而朋友就試帆立貝。大蝦的個子真巨蝦肉爽口,混埋甘香的蝦羔吃,滋味無盡。沒試對方的帆立貝,但他的評語也正面。


吃牛肉之前,以一件多士間一間場。烘至香脆,加入不少的糖,總唔會難食。


我期待的牛肉到了,雖然吃不起鹿兒島和牛,但這美國牛薄燒都不俗。著師傅不要燒太熟,薄薄的一片包裹住香蔥和蒜片,食肉獸既我表示滿意。而且,是有兩片薄燒(即四件),有得Encore的感覺,實在好。


飯炒得香口又乾身,吞下一整碗,加埋炒野菜,以及味噌湯,飽飽了。


飲埋杯咖啡,再逛下商場,下次再見,唔知又會係幾時。

餐廳資料:
Tsugu
37067703

6 則留言:

  1. 不如plan下去轉英倫遊吖~~~

    回覆刪除
  2. 薄燒牛真係好好食,用美國牛都好正啦
    plan下去轉英倫遊都好wor,依次一定要帶埋我喇!

    回覆刪除
    回覆
    1. 你可以同Jannis去先喎, 佢好快出發

      刪除