Follow me on Instagram

2018年2月20日 星期二

桃園眷村 - 一個字,貴!


食物:$$$1/2
環境:$$$1/2
服務:$$$

桃園眷村,筆者不陌生,以我所知,去年有腦細密謀將這類燒餅帶回港,並已派師傅到上海學藝,磨拳擦掌,準備大展拳腳。

豈料,還未成事,已有人將整個品牌引入香港,落戶旺角朗豪坊。

店子開了兩個月,坊間人人說佢貴到無倫,我不以為然,直至這天我親身惠顧,我堅覺得貴到痴筋。
  


點貴法?一份燒餅平均四十個大洋有多,豆漿仲誇張,二十二蚊/杯,幾乎粗口都講埋。


先到收銀處買票,拿住「飛碟」番座位慢慢等,當飛碟震過貓王之時,就有得食。

原本打算一份燒餅,加一客飯糰,以及飲品,與朋友分享。然而,飯糰暫停,唯有隨口點多份燒餅。


芝士蛋燒餅,成本平到嘔。燒餅金黃,吃起來酥脆,餡料只是薄薄的蔥花蛋、芝士及一片生菜。蛋香唔突出,還幸沒過老,但芝味很薄弱,要明察秋毫才能發現其蹤影,我真不懂欣賞,仲要賣四十二塊錢,唉~


沒有飯糰,朋友隨口點的是豬排蛋燒餅。燒餅與蛋的質素跟前者一樣,加件瘦過我既豬扒,就係咁。


二十二蚊杯普通豆漿,倒不如加多兩雞要杯紅茶豆漿,起碼特別點。

餐廳資料:
桃園眷村

4 則留言: