江船長 - 辦年貨

光蔭似箭，日月如梭，眨下眼又一年，大家在雞年達成了多少目標？有沒有遺憾？

新一年，筆者有好多好多事情想做，可能是虛無縹緲，可能是比夢想更遙遠，趁我仲有時間，盡力試下吧！

踏入二月頭（其實一月尾已感受到），過年氣氛開始濃烈，團年飯局排得密密麻麻，年糕蘿蔔糕及各式賀年禮盒一個接一個送到，提醒我係時候要辦年貨。

    

過年，除了賀年糕點外，個人認為，鮑魚也是不可或缺的東西。

今年試下江船長的鮑魚，不諱言，我是首次遇上這個牌子，極上、吉品、嚴選、特選及海鮮味，一罐有四隻。

最簡單是當小食，無須過火，用匙羹放得靚靚仔仔，涼涼的感覺，小朋友也會喜歡吃。

鮑魚與蔬菜從來是好朋友，若有親朋戚友來家聚頭，簡單烚幾條西生菜，加幾隻冬菇，鮑魚輕輕加熱，保持軟腍而彈牙口感，非常方便，已成為一道不失禮面的菜色。

不過我份人心急又懶惰，最好就是用來伴蝦子麵，撈麵或湯麵，悉隨尊便。煮完麵既湯亦唔好浪費，記緊拎上來飲埋佢呀！

要討好岳母或未來岳母既朋友，咪話我無俾貼士你呀吓～

可上https://www.wingloknoodle.com 搵到江船長的產品。