2018年2月6日 星期二

越蘆越南牛肉粉 - 見見老朋友


食物:$$$1/2
環境:$$$$
服務:$$$$

打從一月尾開始,團年飯局約得密密麻麻,這晚是跟另一班較少見面的朋友相聚,好不熱鬧的。

呢班朋友個個食慣貴嘢,屬堅離地一族,今趟卻沒有選上高級酒店或星級餐廳,反而想吃得平民些,聽說上環的越蘆唔錯,未試過,我總會有興趣。

大家好準時,七點半前齊人開飯,對於平時早食飯既我,當然開心。
     


越蘆,顧名思義是吃越南菜,所以我們都點上地道的菜色。先來些粉蒸包及米紙卷等作熱身。清沅粉蒸包,外皮軟熟唔黏牙,內餡塞得滿滿的,因有沙葛在內,口感帶爽。粉蒸包之上的扎肉是我喜歡的有點咬口,再以些少蔥油點綴,添加香氣。



米紙卷有蝦也有蟹,我揀吃軟殼蟹的。芒果片、牛油果、子薑層層包裹著香脆的軟殼蟹,感覺無咁熱氣,如軟殼蟹能多羔一些就更美妙,不過這出品已不俗。



芝心蝦多士,大概是新法的做法吧!多士本身香脆,蝦膠彈牙,中芯加入了半溶的芝士,自然更邪惡更誘人,我點可以唔消滅佢呢~



以前食菠蘿炒飯,真是炒飯塞入原個菠蘿之內的但現在已愈多愈少地方用這樣做,呢度用上小半隻菠蘿,帶點西式的賣相。海鮮料都唔少,但飯可以弄得更香。



全晚的焦點,要數呢隻河內香茅燒春雞,棟篤企的雞上桌,雖不是第一次見總會引來嘩嘩聲響。戴上手套,用手撕開雞肉,豐盈的肉汁流出來,吃得多麼豪邁。建議加點青檸汁,味道會好得多。



最後炒個椰菜苗吃,這也是我中意的菜蔬之一。



對斑蘭玫瑰千層糕最有興趣,即來兩客,熱暖的糕點,煙韌不黏牙斑蘭香沒太假,比預期中優勝。



原本應飲椰青,但在餐牌上找到熱情果菠蘿特飲,我馬上轉軚。



咁耐無見,大家大把話題,滿地花生。




餐廳資料:
越蘆越南牛肉粉

6 則留言: