翡翠拉麵小籠包 - 上機前的一餐

食物：$$$1/2

環境：$$$$

服務：$$$$

Check 完in，仍有些時間，找個地方歎個醒神早餐，才登機。

老老實實，機場沒有太多岩心水的選擇，左揀右揀，最終都係去食番小籠包。

晨早流流，食唔得太多太飽，餐牌也不用翻，一籠小籠包和一客鮮肉鍋貼，已經足夠。翡翠的食物我仲唔清楚咩？！

    

兩者均是製作需時的東西，不過我有時間，可以慢慢等。率先送來的，竟是小籠包。一籠四隻，總算包得靚靚仔仔，無穿無爛，用筷子夾起唔會穿，吃起來皮薄而湯汁豐盈，我真是很愛吃小籠包的呢～

鮮肉鍋貼同樣一客四隻，我要煎的。彎彎的形狀討好，底部煎得香脆，皮不黏牙，也不失肉汁，合格之出品。

無嘢飲硬係唔習慣，天氣寒冷，飲杯熱柚子蜜吧～

悠悠閒歎埋杯柚子蜜，順喉舒暢，再安心上路，番嚟再同大家見面。

餐廳資料:

翡翠拉麵小籠包

赤鱲角香港國際機場一號客運大樓5樓抵港接機大堂T160號舖(非禁區)

22610553