少爺18 - 少爺好幫手

食物：$$$1/2

環境：$$$$

服務：$$$$

以往團年或開年，多半是出外面吃，費事煮懶得洗，吃完拍下屁股走人，乾手淨腳。

隨住外甥女BB開始識行，要俾地方佢四圍走，所以今年的團年飯，就留在家吃。

唔使煮九大簋，簡單整幾味，外帶少爺18的撈起和海南雞，已經很豐富。

     

撈起與海南雞，一個精美的大盒盛好，相當方便。拿回家之時，同Lift的小朋友話個盒好靚，小朋友唔講大話的。

大圓盒之內，生菜絲、椰菜絲、青瓜絲、紅薑絲、子薑絲、蕎頭、金柚肉等紛陳，另一小盒裝住煙三文魚片、芋絲及酸柑，還有一兜薄脆及撈起醬（薑蔥、甜醬油及酸辣醬是配海南雞），整整齊齊的裝好。

自行將三文魚片鋪上，加入埋芋絲、薄脆，再灑點酸柑汁及撈起醬，大家可以準備撈起。

撈呀撈，起勢咁撈，撈得愈高愈好，撈到風生水起。

吃起來爽口醒胃，芋絲及薄脆豐富了口感，吃埋大大片的煙三文魚，寓意年年有餘，整體味道也真不賴。

大家既焦點落在撈起之上，其實海南雞亦不錯，至少是皮爽肉嫩，個人只會沾黑漆漆的甜醬汁，是吃海南雞的重點。

第一次試外賣撈起，估唔到咁有驚喜，大家團年開年可以考慮下。

餐廳資料:

少爺18

葵芳興芳路223號新都會廣場4樓410-412號舖

21562228