中國冰室 - 貪佢既氛圍

食物：$$$

環境：$$$$

服務：$$$1/2

作為一件九流飲食博客，欠缺華麗的文筆，如果相機都壞埋，真係可以收皮了。

星期六，晨早流流攞部相機出旺角維修，原來是鏡頭出事，店員話一星期內應該可以整好，希望佢唔好昆我。

完事後，才九點半，下場活動又未夠鐘，最好找個地方吃早餐。原本打算試頗貴的桃園眷村，只是太早未開門。靈機一閃，不如吃我最喜歡的舊式冰室，中國冰室，大大話話有五、六年沒有來過。

真心中意這類地方，獨自坐在卡位，邊吃邊思考人生，樂在其中。只是，今天這種真懷舊的冰室，尤其是有樓上雅座的，已少之有少。

 　　　

瞄了幾眼餐牌，決定要個餐蛋麵，加埋醒神熱奶茶。

概嘆如今即使是舊式冰室，也不再用上公仔麵或丁麵等靚麵，麵條軟趴趴毫不爽口，還幸三片餐肉有煎香過，兩隻蛋就正正常常喇。

熱奶茶夠滑，可是質感較薄，好像退步了，希望只是偶爾失手。

埋單三十五個大洋，雖然食物未見特別出色，但能靜靜的享受半小時，我仍是會再來的。

餐廳資料:

中國冰室

旺角廣東道1077A號地舖

23927825