8度餐廳 - 快過年了~

食物：$$$1/2

環境：$$$1/2

服務：$$$$

團年飯局接踵而來，除了中菜及火鍋，自助餐也是飯聚的熱門選擇，近期聽到唔少朋友說好地地方的自助餐都爆滿，訂唔到枱。

係呀！我又去食Buffet喇~

今次既目的地，較為隔涉，是土瓜灣的八度海逸酒店，勝在性價比高，同埋甜品好出色。

    

有人遲遲未收得工，唔理佢了，食住等，這也是吃自助餐的好處。先以Cold Cut、煙三文魚等開開胃，再繼續搏殺。

凍海鮮向來是受歡迎的項目，尤其是蟹腳，鮮甜可口，快快拿多點回來一齊分享。

即開生蠔更加唔使講，一定係要排隊攞，美國佳麗與法國代表，各有所長，大家應該知我會喜歡那一款較多吧～

除左凍海鮮，呢度仲有蒸海鮮，蝦、青口、蟹腳及扇貝等，種類跟凍食的差不多，或者天氣寒冷，個人更想吃蒸起的，原汁原味。

由於臨近過年，所以也推出了三文魚撈起，以及盆菜。前者因加入了薑絲與蔥，吃在咀裡有點似薑蔥魚皮，幾得意。盆菜當然是一大盤放在外面任取，燒腩仔、燒鴨、支竹、冬菇，乜乜乜，好豐富的，但味道可再濃郁些。

熱葷選擇並不少，但個人始終鍾於羊架，鬆化惹味，其他的如牛仔骨、咸肉炒菜等，都可以。

今時今日食自助餐，燒味似乎也是必備項目，燒鴨、油雞，斬大舊叉燒，可惜沒有玉冰燒。

食左咁多，都好飽啦，但鵝肝總是不能錯過的項目，少少地食一件，唔飽得去邊既。

甜品之前，應下節吃點年糕和蘿蔔糕吧，我係中意食咸糕多啲既。

甜品係呢度既重點，疏乎厘班戟入口輕怡，熱呼呼的，配上雪糕食，冷熱交錯，必定可口。

眾多蛋糕之中，有兩款是最討我歡心的，包括濃郁朱古力香蕉蛋糕，以及層次十足的芒果拿破崙，點都要留肚食呢兩件。

雖然地點有些隔涉，不過有穿梭巴士去紅磡、尖沙咀及九龍站，都OK啦！

餐廳資料:

8度餐廳

土瓜灣九龍城道199號8度海逸酒店地下

21261960