紫粵軒 - 盆滿钵滿

以往屋企人團年，多數會出街食，乾手淨腳。不過有了外甥女BB後，還是留家食飯會比較方便。

天氣急降至得番幾度，唔好自己煮咁辛苦，叫個盆菜回來大家吃，同樣來得高興，反正只志在一家人聚聚。

原來近近地的紫粵軒有盆菜發售，那便不作他選，預訂鮑魚聚寶盆菜。

以錫紙包裹著瓦煲盆菜，汁醬以膠盒分開盛起，拿回去亦沒半滴的滲漏，唔錯。試過在別處買盆菜拿走，回去時那慘不忍睹的情況，至今歷歷在目。

    

只花少許時間加熱後，便可以享受豐盛的盆菜宴，我等得。很快，滿滿一大盆盆菜已經準備好，大家要賺個盆滿钵滿，滿堂吉慶。

呢個盆菜不乏名貴食材，寓意金銀滿屋的澳洲蠔皇鮑軟腍而入味，日本宗谷瑤柱大大粒，很喜歡「發財好市」的口感，而寓意哈哈笑乾煎大蝦基本上可以連殼吃掉。

當然仲有花膠，比想像中大塊，吃起來膠質豐富，入味也是理所當然。冬菇亦夠晒厚身。

其實吃盆菜，重點更是墊在下面的「普通料」，雖不是什麼名貴食材，但枝竹、豆卜、蘿蔔等索盡精華，向來是極品。原來呢個盆菜是沒腩肉，反而是有雞也有鴨，還要提提鯪魚球亦做得出色，寶物沉歸底呀！

大家可上網訂購呀～

餐廳資料:

紫粵軒

將軍澳唐德街3號香港九龍東皇冠假日酒店2樓

39830688