Instagram

2018年1月31日 星期三

紫粵軒 - 盆滿钵滿


以往屋企人團年,多數會出街食,乾手淨腳。不過有了外甥女BB後,還是留家食飯會比較方便。

天氣急降至得番幾度,唔好自己煮咁辛苦,叫個盆菜回來大家吃,同樣來得高興,反正只志在一家人聚聚。

原來近近地的紫粵軒有盆菜發售,那便不作他選,預訂鮑魚聚寶盆菜。

以錫紙包裹著瓦煲盆菜,汁醬以膠盒分開盛起,拿回去亦沒半滴的滲漏,唔錯。試過在別處買盆菜拿走,回去時那慘不忍睹的情況,至今歷歷在目。
    


只花少許時間加熱後,便可以享受豐盛的盆菜宴,我等得。很快,滿滿一大盆盆菜已經準備好,大家要賺個盆滿钵滿,滿堂吉慶。



呢個盆菜不乏名貴食材,寓金銀滿屋的澳洲蠔皇鮑軟腍而入味,日本宗谷瑤柱大大粒,很喜歡發財好市的口感,而寓意哈哈笑乾煎大蝦基本上可以連殼吃掉。



當然仲有花膠,比想像中大塊,吃起來膠質豐富,入味也是理所當然。冬菇亦夠晒厚身。



其實吃盆菜,重點更是墊在下面的普通料,雖不是什麼名貴食材,但枝竹、豆卜、蘿蔔等索盡精華,向來是極品。原來呢個盆菜是沒腩肉,反而是有雞也有鴨,還要提提鯪魚球亦做得出色寶物沉歸底呀!

大家可上網訂購呀~




餐廳資料:
紫粵軒

7 則留言: