食物：$$$$
環境：$$$$
服務：$$$$
饞嘴既筆者認為，週末的最佳節目，莫過於與摯友悠悠然吃一頓Weekend Brunch。
聖誕過後也沒見過濶太了，趁新年前睇睇有無機會同佢食餐飯，幸運地一約便成事，齊齊歎過早午餐。
聽說Beef & Liberty水準幾好，我卻從沒見識過，濶太也算是半個牛魔，揀呢類餐廳佢一定唔會拒絕。
早點吃，我約左Personal Trainer下午要去做Gym，這是已練出馬甲線既濶太的唯一要求。
無問題，那就十二點開始吧～
不是任食的，但我們點了一桌子的東西，包括招牌的漢堡。食Burger要飲奶昔，所以飲品就分別要了Cookie
& Cream Milk Shake與雲尼拿奶昔。
先以凱撒沙律作開端，勝在有頗大量的芝士粉，令整件事濃郁一點。
在Brunch Menu挑了全日早餐，內容包括豬肉腸、煙肉、太陽蛋、磨菇、車厘茄及多士等。我不再拘泥佢有無焗豆、薯餅或黑布甸。香腸味濃，煙肉香脆而不怕乾柴柴，圓潤的車厘茄甜美，燶邊的太陽蛋向來吸引，加埋多汁的磨菇，收貨了吧。
漢堡是這兒的招牌，點中了黑椒香濃漢堡，按店員的推薦牛肉要半生熟。牛肉厚身，火候唔錯，肉嫩多汁，加埋濃郁的芝士、焦糖洋蔥及大堆頭我喜歡的火箭菜，感覺好好，吃起來還有陣陣黑椒的辛辣氣息，不負招牌菜之名。另要求跟上薯條，也被我們清掉。
此時已飽到上心口，但甜品不可不吃，大家一致想食香蕉太妃批。吃一口，口感味道非常好，香蕉片跟整個甜品擦出火花，有埋脆餅底又有分加，真心好吃，極力推薦。
在點太妃批之時，看見鄰桌的甜品好吸引，店員介紹是Oreo Shot，忍不住又來一客大家些牙。店員即席在雲尼拿雪糕之上噴香濃幼滑的朱古力泡沫，最後加埋Oreo餅碎，濃郁可口，慶幸我們沒有錯過。
餐後整多杯Latte，飽到晚上也只飲湯沒吃飯了，太滿足！
新年前，唔會仲會唔會見多次面或有Party呢？
餐廳資料:
Beef & Liberty
個burger真係幾正咁呀！又，呢餐好有食力喎，飲奶昔仲食得落甜品，仲可以整杯latte，勁呀！
回覆刪除飽到上心口 XD
刪除奶昔冇得輸！
回覆刪除茅錯~
刪除