粵 - 為秋冬添椒氣

食物：$$$1/2

環境：$$$1/2

服務：$$$1/2

通常想吃辣，都會上湘川菜館，來個水煮系列，辣子菜色，再加枝可樂，吃過不亦樂乎。

近日得知，北角城市花園酒店的中菜廳粵，推出了多款的辣菜色，辣椒更是來自西班牙、南美等，於我而言，頗有新鮮感。

坐言起行，趁天時開始轉冷，又有藉口約齊朋友去試呢度既辣嘢喇～

     

先整份甜美多汁的車厘茄作好準備。跟住的冰辣彩椒，唔同顏色，唔同形狀的辣椒，各有不同個性，紅色圓形的先甜後滲出辣勁，橙色的美人椒辣度最為凌厲，黃色的性格有點兒似橙色，但就來得相對溫和。

剛才紅色的芒隡椒，用來製造龍蝦凍，辣味似有還無，整體感覺是相當清新，怕辣的朋友也可一嚐。

再來的煙燻釀紅椒，打開盅蓋，煙紛紛冒出，胡桃木的燻香味十分突出。將蝦膠釀入巴西椒之內，感覺有如我至愛的煎釀三寶，吃起來辣椒爽脆，蝦膠爽口，有意思。

雖然說來吃辣，都唔一定要全部都係辣菜既，得獎菜色雪嶺紅梅映松露，是每次來粵必吃的一味。紅蘿蔔汁、蔬菜汁及純蛋白，層次分明，而且全是很滑溜，溫度足。面頭是煎香的東星斑及黑松露醬，來得更加矜貴，只嫌魚塊有點太乾。

厚身的鱈魚從來美味，油份多又嫩滑，頂頭輕輕塗上黃椒醬，再以菇粒及青豆等作點綴，已成事。

心郁郁想食雞煲，好彩得到大家的附和，此雞煲的味型甚似台式三杯雞，但就加入了剛才嚐過的橙黃美人椒去炒製，跟我們常吃的辣雞煲，風味截然不同。

宮廷椒香肉，味道似糖醋骨，可惜唔夠邪惡，肉雖則是鬆化，為何不挑一伴肥美的呢？還幸，紅色的甜椒，挽回了一些分數。

飽了，係時候食甜的了。呢個酒釀丸子，特別之處是丸子帶溫和的辣味，而且與桂花及酒糟沒有半點違和感，創新又美味。

最後的小辣椒，其實是甜品。造成紅黃椒的形態，非常可愛，吃起來沒有黏牙，微微滲出辣勁，掂！

餐廳資料:

粵

北角城市花園道9號城市花園酒店1樓

2806 4918