2017年11月18日 星期六

三郎麵燒屋 - 相信,我是地獄黑仔王


食物:$$1/2
環境:$$$
服務:$$$

有時食嘢,都好講彩數,譬如長沙灣呢間三郎麵燒屋,在公開飲食網站大獲好評,而且不似造假,應幾靠得住可是我嚐過一次,經驗卻麻麻。唯有希望店家是一時失手,反正我向來都是地獄黑仔王。
   


這店既是車仔麵店,亦有串燒供應,而且持酒牌,賣埋生啤,看來晚上會變成小酒吧,大家劈過不亦樂乎。



中午時份來,先來個兩餸車仔麵,配料揀左豬腸,以及炸春卷跟油麵。店主說炸春卷需時,先起個豬腸油麵俾我,春卷稍後到,似乎幾有盛意。油麵沒什麼好講,反而沙嗲汁是幾辣幾香唔錯。豬腸大致可以接受,當然中芯若能多點肥脂就更正。



春卷是即炸,吃時是非常燙口,但唔知點解,外層並不脆口,而是很韌,失敗。



再點來一份串燒,燒牛舌是也,三件黑椒牛脷賣相有欠吸引,看得出是未燒得夠身,咬落果然是超級的韌,要用盡九牛二虎之力,才勉強可以吞下去,相當敗興。



之後仲要打波,唔飲啤酒了,飲罐可樂更為實際。




餐廳資料:
三郎麵燒屋

6 則留言: