Instagram

2017年11月17日 星期五

新店速遞:海福樓 - 吃得出的功架


食物:$$$$
環境:$$$1/2
服務:$$$1/2

一些地方,明明住宅林立商廈毗鄰仲開埋高級酒店但地運走完,就是旺不起來。儘港鐵開埋個新站俾佢都無咩起色。大家應該知道我講緊既,是黃埔。

到底地運註定一切,還是人定勝天?九號水產的出現,進駐了不少餐,就連藝人馬德鐘都選在那開設蠔吧似要將黃埔再次活化。

數個月前到訪過九號水產,人流比較稀疏,不過當時很多餐廳仍未投入服務,唔可以作準。

據知那兒近開設了一家新的粵菜酒家,來頭唔細,由效力福臨門多年的師傅主理,我肯肯定要去會一會佢。
    


一行七人來到,第一件事飲個靚湯,節瓜鱆魚湯,喝得順喉舒服岩晒平日少湯水既我們。



不知何時何日,叉燒成為了上高級菜館的必吃項目。海福樓既叉燒,看上去是偏瘦,卻入口鬆化,富肉香,幾有水準,但我想佢邊邊位可以有點燶,會仲正。



之後兩款香口嘢藕餅煎得香口,沒有過咸。百味脆豆腐,薄薄的金黃外衣包裹著嫩滑的豆腐,外脆內嫩口感從來吸引,吃時要小心燙咀吧。



再來便是海鮮系列,個人一向喜歡蒜茸粉絲蒸元貝,在這無須懷疑火侯,必然是鮮嫩入味,只想多來一隻。



豉椒炒蟶子亦來得精彩,炒得剛剛好,咬落爽脆,又唔會韌得像吃香口膠,豉椒炒固然是相當惹味,我是吃完一隻又一隻的。



千呼萬喚主角的皇帝蟹終於出場,這夜我們來個二食。第一道是將蟹腳蒸蛋白,啖啖肉的蟹腳,受歡迎是理所當然,墊底的蛋白滑溜之餘,更盡是蟹的鮮味,絕非先蒸熟再放蟹腳上面的貪方便做法。



第二食,將蟹肉跟南瓜忌廉焗飯,出來時候香噴噴,吃起來沒想像中的漏,可口,不過我還要留肚呢~



接著的水煮魚,並不是正宗的四川風味,但打開煲蓋之時,香氣四溢,深知是高水準之作。採用龍躉片,口感自當彈牙,辣度唔算強,麻香更吸引,而且真的是勁香,底下的粉絲索晒味,是你我他都懂的精華。



炸子雞,色水已話你知係好東西,挑件背雞皮脆卜卜,肉質好嫩滑,唔會過咸,又是佳品。



甜品之前整多個羊腩煲,豐厚的皮跟鬆化的肉,完全夠晒時間。枝竹與生菜,是羊腩的好朋友。



咁高水準的菜色,深信甜點一定唔會失禮,再飽都要食。蛋黃千層糕,愈來愈少地方能嚐到,要懷緬一番。豆沙蘋葉角是是福臨門既名物,這裡雖用竹葉,但相信仍會好吃。的確,熱得燙口的出品,糯米軟腴不黏牙,豆沙香甜,一絕的出品。




餐廳資料:
海福樓
紅磡德豐街8號黃埔新天地第九期地下九號水產9號舖
3169 0880

7 則留言: