食物：$$$1/2
環境：$$$$
服務：$$$1/2
不管是平日，抑或係假期，本人也甚少在外頭吃早餐，通常在家隨便吃少少嘢便算，唔太講究。
難得這個星期天，朋友相約出來食早餐，必定要應約啦，早些起床我是沒有問題的。
朋友是飲食達人，從不用操心去哪裡吃，佢一定會諗掂。今次佢提議去上環的Kaffeine，我無上網睇評論，一於2仔底，死跟。
原來，這店跟之前我們在官塘工廈吃得很滿意的HOW是有關聯的。咁樣，信心自然大增。
此店充滿北歐風情，換句話說，就是白色加木系，簡約而舒適。
照慣例，我們各自點上想吃的款式，大家開心些牙。朋友的是健康之選，牛油果加Feta Cheese多士。片片的牛油果軟滑，與細滑而濃郁的Feta Cheese很夾檔，配多士無理由會唔好食。要雞蛋裡挑骨頭的話，牛油果與旁邊的沙律菜，都是青青綠綠，有點像吃草的感覺，如能配上少許其他顏色的菜蔬，甚或是多幾粒車厘茄作撘配，更能增添食慾。
我揀左巴多火腿、黑松露炒蛋配牛角酥。炒蛋無疑是嫩滑，加上咸香軟熟之火腿，餡料稱職，反而松露香氣可以再強些。牛角酥質感也酥脆，的確有水準。
飲品方面，據聞朋友的Mocha啡味太重，佢唔係好受得到。
由於已預計之後會再飲咖啡，我只要了杯冰荔枝玫瑰烏龍。凍烏龍茶從來平易近人，加入玫瑰添美感，清甜的荔枝肉之存在，感覺更清爽。
晨早起床吃過豐富早餐，人也覺得醒神點。
餐廳資料:
Kaffeine
早些起床我是沒有問題的！硬係覺得你影射緊*某人*！
回覆刪除Hahaha!!!
刪除*某人*唔使對號入座喎, Hahaha!!!
刪除