大師兄 - 一試無妨

食物：$$$1/2

環境：$$$1/2

服務：$$$1/2

本人都幾中意食點心，不一定要上五星級酒店或高檔酒樓，點心專門店亦可。

真不知道，車房林立的一條後街，原來有間小小的點心專門店，仲已經開了近半年之久。

當我無意中發現這店後，雖未能即時去用餐，卻已記在腦海中，決定要找機會試試。

店子小本經營，沒啥裝修，紅磚牆成為了最大的特色。

    

茶錢每位三個大洋，只有普洱與香片之選，當然你唔會期望俾三蚊可以有壺靚茶飲吧～

蝦餃一籠只有兩粒(餐牌有註明)，但個子比坊間的大隻，餡料全是蝦肉，很澎湃，但其實不是我的理想，多一份筍尖，會較合心。再者，呢個蝦餃皮只麻麻，很黏筷子的，可以要求更高。

燒賣同樣是一籠兩粒，不過較得我心。都係比市面的要大粒一點，飽滿企身，蝦肉爽之餘，又有豬肉的香，不錯吃。

鳳爪唔會硬轟轟，也不怕很散一Pat嘢咁，醬汁味道亦好，比起唔少酒樓的出品更為出色。

綿花雞大概衰在用料問題，炸肚是爽口而不是軟腍，自然不夠索味。雞肉則可以，至少肉嫩又夠味。

大熱天時，好想飲杯凍嘢，來了杯柚子茶，勝在真的冰凍。

餐廳資料:

大師兄

荃灣大壩街5號仁蕙苑地下1號舖

60973022