Instagram

2017年8月11日 星期五

漁牧 - 辣得夠潮


食物:$$$1/2
環境:$$$$
服務:$$$$

老友忽然辣癮起,拉我去食烤魚,我大概沒有反抗的餘地。講開又講,我大大話話幾年沒吃過四川烤魚了。

地點由佢決定,看來他已早有目標,叫我七點係尖咀恆生等佢,只有乖乖準時到達。

在加拿芬廣場的漁牧,以吃烤魚、燒鴨和乳豬為主打,整個概念頗有諗頭,加上新派的裝潢,結合古時象形文字,有意思。
    


環境係咪好正呢?朋友問。

我點頭。

當然,我更希望食物是跟得上。我對呢個集團始終有點信心。



食辣前做足準備,一瓶西瓜汁以備不時之需,否則刺激到噴火,無人救到我。



烤魚之前,先來些小食作熱身。香辣鴨舌,柔軟而入味,辣勁幾強,有水準,對往後的菜色亦增添信心。



漬蘿蔔絲,酸酸甜甜又爽脆,很適合炎炎夏日。暫不要一下子吃清光,留待食烤魚辣到噴火之時,再來一點去中和下,仲正!



烤魚與另一名物「漁牧混豬」差不多同時上桌,烤魚雖時加熱,先食後者。先皮脆肉嫩的乳豬跟糯米飯,呢個組合,基本上好難會唔好食。喜歡這裡中芯塗上少許薑茸。另有三款醬汁,抹茶醬、乳豬醬及蜜糖芥末醬,悉隨尊便。



吃罷幾件豬後,烤魚也準備就緒。是爐魚也,肉質始終沒青江魚或桂花般嫩滑。不過,跟大大盤的辣椒、青椒及泡椒等滾著,愈食愈辣,有夠過癮。點一些吸味的配料如土豆片、冬瓜片及芝士腸等,吃辣要辣到底。然而,這類四川烤魚始終有個弊病,就是吃至尾段會偏咸。



甜點竟有軟熟的紫薯驢打滾,而且頗為出色,甜胃表示滿意。




下次來,要食烤鴨~

餐廳資料:
漁牧

6 則留言: