2017年3月28日 星期二

星記海鮮飯店 - 高班街坊小菜


食物:$$$$
環境:$$$1/2
服務:$$$1/2

話說偉大既Facebook把我們與中學的班主任重新連線,去年十月大家在灣仔蘇浙滙吃過一頓不俗的晚飯,渡過了愉快晚上。

飯,食一次係唔夠既。所以,大家又再夾時間,出來碰碰面,談下近況,了解下現今既師弟同我哋當年有咩分別。

地點還是遷就老師會比較好。想了一想,倒不如灣仔既星記海鮮飯店?這店子的街坊小菜,一向不錯。

在等遲到的師兄之時,先吃點醃蘿蔔,爽脆又入味,成功打開了胃口。
   


點好菜後,八卦既我哋問老師,家下既師弟係咪醒目好多,又有咩騎呢嘢架?

無架,會走嚟問下,如果有兩、三千蚊,可以買邊隻股票呀,咁囉Miss話。

兩、三千蚊,買到綠色XX喎!師兄搭咀。

家陣班師弟果真勁,有經濟學Miss教路,隨時未出來做嘢已經賺夠首期。大家打趣說。

不如讀埋個Macroeconomics,知多少少先炒股啦!XD



此時,第一道菜,椒鹽鮮魷上桌。原本是想要椒鹽九肚魚的,只因售罄才轉鮮魷。粉漿不是完全包裹魷魚,還幸炸得鬆脆而不油,魷魚本身亦沒有太韌,香口東西我總不能抗拒。

「上堂唔使開Powerpoint,開個財經網俾佢哋仲好喎」,「當年我哋上緊堂會舉手要求去廁所放低幾兩,家陣既師弟要舉手話去放幾球先XD」話題繼續。

「幾球?樂亞國際(8195)都唔夠錢買一球...



咦,呢碟煎咸雞唔錯喎!師兄轉了話題。是的,官方名字是輝哥煎咸雞。把大廚的名字也加了上去,就知店家對此出品信心十足。雞煎得香口,肉質保持嫩滑,夠入味,大家也很喜歡。



當話題去到飲食業既經營之時,吃著鳳梨生炒骨的我,要滔滔不絕地發表茂論,由租金講到人工,再到食材,以至......。講番呢味生炒骨,確實做到外脆,肉鬆化而帶肉汁,酸甜的平衡也拿捏得相當到家,連菠蘿青椒與洋蔥,也不能錯過,是了不起的出品。



蒜茸炒西蘭花,雖然賣相有點不修邊幅,但味道亦不錯,街坊小菜就應如此豪邁,若蔬菜也擺得靚靚仔仔的話,就欠缺風味了。



最後,店家送上雪耳糖水,講左一整晚說話,清潤一下是必須要的。



講到母校最強既長跑,我依家仲跑到25圈嗎?


莫講25圈,五個圈都好憫水。排長聽到會殺左我,好彩佢已經退左休。

餐廳資料:
星記海鮮飯店

4 則留言: