2017年3月29日 星期三

三河屋 - 為肥美的鰻魚飯而來!


食物:$$$1/2
環境:$$$
服務:$$$1/2

瓹窿瓹罅找尋小店美食,從來是筆者的興趣,至今不變。只是人愈大,工作愈忙,愈沒有精力四處奔走。

近期也真的太倦了吧,做什麼事也提不起勁,週六更推掉不少飯局,寧願早點回家休息。

難得放假,瞓到夠之後,誓要與朋友到訪大街小店,嚐盡美食,渡過充實而愉快的一天。

是次目標鎖定在紅磡,呢區大把小店值得光臨,如時新、一碗小麵、林記小食、滄浪亭等。

朋友建議,首站先到三河屋,之後再找間咖啡店慢慢坐低嘆杯啡Hea下,仲食得落的話就吃些街頭小食,我欣然接受。
   


三河屋在該區歷史悠久,看其裝修擺設,以致餐牌的破舊程度 (餐牌之殘舊已達搞笑級別),可以說明一切。



點餐後,店員先送來一碗味噌湯,但我興趣不大,留給湯怪朋友好了。



一心來吃鰻魚飯,就不作他選。我很多時對鰻魚是又愛又恨,喜歡它的味道,卻怕了細骨。這兒的出品,相當之肥美、味道出色以外,更加完全沒骨,大口咬下十分正斗,名不虛傳。圓潤的米飯,配上醒胃的蒲燒汁,也就是人間美味。呢八十八個大洋,我絕對願意付。



另外點選了北海道忌廉汁漢堡扒飯,粟米忌廉汁撈飯,兒時最愛,不過今天卻覺得有點漏。兩塊漢堡扒份量太細,只比紅蘿蔔粒大一點點,也不算厚身,我認為可以慷慨些少。

朋友搶了埋單,呢餐咁平點解唔俾我呀?

Any肥,說聲謝謝,下餐搵間更平,我既!哈哈~


餐廳資料:
三河屋

3 則留言:

  1. 鰻魚飯確係吸引過mini漢堡多多腥喎!

    回覆刪除
  2. 嗰北海道忌廉汁漢堡扒飯好卡通!

    回覆刪除