2017年3月27日 星期一

呼吸咖啡茶館 - 香港人要深呼吸一下嗎?


飲品:$$$1/2
環境:$$$$
服務:$$$

一切已塵埃落定,香港未來仲有排柒,濶太話,不如去飲杯嘢?

去邊飲無所謂,佢提議去土瓜灣的呼吸咖啡茶館,都好啦!

呼吸的前身是白宮冰室,係堅懷舊的冰室,本人曾經去過食公仔麵、飲奶茶,但水準不敢恭維,個人認為被淘汰也不可惜。
   


今天的呼吸咖啡茶館,擺滿古舊的東西如撥輪電、舊式郵筒、多隻CD等、天花貼上陳年報紙進入了時光隧,昔日的香港,真的比今天好嗎?



另外一個影相位,正是昔日白宮冰室的招牌,至今仍然保留著,幾乎每人都會舉機拍攝。



餐廳的最低消費是每人一杯飲品,由於許多人都是只飲不吃,所以呢度飲品既價錢,並不便宜,但偶爾來一次半次,無拘。



濶太挑的是香蕉朱古力咖啡,面上的香蕉片、薄荷葉與咖啡冰是亮點。她說:頭先Lunch無飲嘢,好口渴,大大啖飲幾啖岩數!



選了杯Rose Latte,熱的。以玻璃杯盛載的咖啡,頂頭放入一片玫瑰花瓣,無須拉花很美。呷一口幾舒服,還帶點點酒香,收貨了。



呷著咖啡,濶太話:奇蹟預左唔會發生,香港玩完亦早已唔係今日既事喇,只係仲有好多人仍未知/ 唔想去知啫。

香港仲有好多人好唔爭氣她續說。



此時,是三月二十六日下午兩點二十五分。

跟前有一部懷舊點唱機,我口袋裡有一個硬幣,應該點首獅子山下,抑或是傅珮嘉的

還不夠絕望,尚可更絕望,留給HK日後用來形容前面景況……


餐廳資料:
呼吸咖啡茶館

6 則留言: