2016年12月15日 星期四

豚王 - 不復當年勇



食物:$$$
環境:$$$$
服務:$$$1/2

豚王初登陸中環之時,風頭一時無兩,我睇見條人龍已經怕怕。

據聞,幾位創辦人在發展策略上出現分歧,拉麵陳退出,另起爐灶,在深水埗先後開設了隱家、混亂拉麵、海老名、宗象屋、鰹の一滴,等等等等,各有特色,間間口碑載譽。

反之,雖然豚王亦有分店,但氣勢明顯在走下坡,聽朋友說近月甚至推出下午茶餐,但生意仍是麻麻。

豚王水準,是否已不復當年勇?我有兩年沒嚐過,真係唔清楚。

  




時間趕得及,六點前衝入去,吃個下午茶餐。





茶餐的麵,當然是比正常的細碗,但可配上流心蛋/杏仁豆腐/豚王布丁/可樂,其中之一。

先呷口湯,不像昔日的濃杰,以咸味為主導,是遜色了(雖然我也不喜歡太杰太膠口的湯)





麵條我總會揀幼身的,有咁硬得咁硬,才是我的心水。呢度既麵,其實我接受到。





叉燒欠缺油脂,仲瘦過我,還好不怕太嚡口。





我決定出去買可樂,所以,套餐中我挑了杏仁豆腐,雖則有點杏香,卻並不滑溜,但我對此從沒有太大期望,所以也沒失望。





嗯,係時候去搵搵拉麵陳。再訪海老名吃蝦沾麵,還是貪新鮮試鰹の一滴呢?

餐廳資料:
豚王
沙田沙田正街18號新城市廣場一期1樓167號舖

6 則留言: