Follow me on Instagram

2016年12月16日 星期五

永華麵家 - 緊守崗位



食物:$$$$
環境:$$$
服務:$$$

人各有志,有些人野心勃勃,把握每個機會爭上位;有啲人安於現狀,夠食夠洗便滿足。只要不用嗱喳手段,沒有誰對誰錯。

做雲吞麵也是,有些老字號,如何洪記、池記,永遠向前,永不停步,誓要成為龍頭一哥,名流青史。

反之,生意同樣火爆的永華麵家,或許是擔心控制不了食物質素,可能有其他鮮為人知的原因,多年來只此一家,別無分店。

講開又講,對上一次食永華,大大話話五、六年前既事。印象中,永華就是三個字:「貴」、「好食」。

   



今時今日,食碗麵絕不便宜,一碟炸醬麵,盛惠$75,我食唔起,一碗就是$46,就一碗吧!





點了餐,視線馬上對正檯頭的那瓶泡蘿蔔,爽脆、酸酸的太開胃,每次也要吃他半瓶,才肯收手。今次吃不到四分一,皆因四條麻甩佬在搭檯,我還不及其他人狼死。





炸醬麵隨之送到,麵條仍舊爽口彈牙,沒鹼水味,撈勻微辣的汁醬,很醒胃可口,只是今次有少部份肉絲,略略硬了丁點。





麵湯濃而不濁,一貫的高質。





一碗炸醬麵,實在到喉唔到肺,此時甜胃又在投訴,我知道我需要一碗紅豆沙。

這兒的出品,紅豆已幾近磨成茸,帶有陳皮的香,熱度足,不會死甜,絕對唔講得少。





怕炸醬麵太辣,要來枝可樂救火(明顯是藉口)


餐廳資料:
永華麵家
灣仔軒尼詩道89號地下
25277476

6 則留言:

  1. 炸醬麵細細碗仲好,可以有胃納隊多碗紅豆沙,正!

    好奇下,仲記唔記得紅豆沙咩價位呀?

    回覆刪除
  2. 可樂明顯是藉口得好緊要
    我想食紅豆沙呀!!!!

    回覆刪除