食物:$$$
環境:$$$$
服務:$$$1/2
走入新界的村屋搵食,往往能找到一些挺有風味的美食,而且有種遠離繁囂的感覺,別有一番滋味。
然而,這類地方,大多是十分隔涉,對於我等沒私家車的窮人而言,非常唔方便。
不過,在天水圍西鐵站旁,有一所三層高的村屋,做泰國菜。距西鐵一、兩分鐘的步程,便可品嚐此等風味,冇理由唔試。
收風時間 |
找了個下午,與饞咀的舊同事前來,在這舒泰的地方,邊嘆個Lung廚,邊八卦下行情。
掂! |
由於打算連吃幾場,因此也沒點太多東西,但泰式沙律總不可缺。柚子很不錯,不只得個酸字,開胃卻很甜美,亦唔會乾巴巴。大蝦份量也不少,隻隻爽口,有水準。
不行 |
喜歡香口東西的我們,也柯打了沙嗲串,半打,雞牛豬各兩串。三款也是沒什麼味道,沙嗲汁有欠濃香,未見惹味。
雞肉是好 |
最後,來一碗泰式酸辣雞肉河粉,大家些牙。雞肉看得出是好貨色,有點喜出望外。可惜,配套將之拖垮了。湯頭頗為淡口,酸辣度也不足,欠缺特色,河粉又是嚡烚烚,不行。
留力下場 |
沒有再點甜品,寧願保留實力,多走一場。
沙律賣相幾靚仔!
回覆刪除我等住睇你嘅甜品下場!
下場都係咸嘢, 哈哈!
刪除依間反而未試喎, 咁近, 搵日去下啦!
回覆刪除去啦去啦!
刪除咁快去咗嗱~勁呀!
回覆刪除你都去啦
刪除