2016年3月16日 星期三

華嫂冰室 - 等~




食物:$$$1/2
環境:$$$
服務:$$$1/2

位於屏山的華嫂,向來是人龍店,據聞即使是平日,也須等一頭半個鐘,才可入座。

呢個土皇帝,發過豬頭,未知為何,要在官塘開分店。莫非……

無論如何,官塘分店一開,的確又是要大排長龍,成為一時熱話。

原本,我是不會花一個小時去等吃一家茶記的。需知道,一個鐘頭足夠中環的朋友食完Lung廚再游埋水了。然而,是日約了朋友前來食該區掃食,咁幾個好友傾住計等,總算無咁戇居,就破例一次吧!

在餐廳外等位時,己有人幫你分好檯,落埋單,好有效率。不過,記得要點齊所有嘢,否則入到去想加單,無人會啋你。
 
穩陣之選

包類比麵類先送到,芝士咸牛肉煎蛋豬仔包,呢個組合,只要是即制,應該會相當穩陣。
 
無懼世衛變改

又有請,盤菜瑩子!

餐蛋丁麵至少這一季,被和味蓋過了傷害……

佢,好似有個好巴閉既,叫做超級無敵餐蛋丁。兩塊煎香的午餐肉,加埋燶邊太陽蛋的丁麵,平凡卻總是好吃。
 
吃不下了

朋友們再來個煎蛋菠蘿油,只是筆者戰鬥力太弱,即使面對住面前的邪惡軸心,我也無能為力。
 
合格既

還是,慢慢品嚐我的茶走!

見識過一次,便夠了。唔好叫我再排隊來。
 
 
餐廳資料:
華嫂冰室
天水圍屏山坑頭村
2617 2232

3 則留言: