2016年2月27日 星期六

Ivy - Betty與Ivy




食物:$$$1/2
環境:$$$$
服務:$$$1/2

心水清的各位,或許也會知道,這位置的前身是英國餐飲大亨Alan Yau回港開設的首家餐廳Betty’s Kitschen。初頭,雷聲很大。做下做下,轉左名做St Betty,可惜,最終功敗垂成,由Ivy接了這個攤子。

近期流行講Package,究竟IvyPackage,是否比Betty更優勝?

論餐廳室內裝修,兩者不遑多讓,只是那靚海景,現在開始被續漸遮蓋。
 
起動!

反正大家分甘同味,多叫幾個頭盤,也不成問題。由蟹肉沙律作開場,以蟹蓋作點綴,蟹肉成份頗多,配上清新爽脆的沙律菜,有氣勢又好味道。
 
有水準

接著有Burrata Cheese, 好一個意亂情迷。芝士是預期之中的軟滑可口,更讚的是蕃茄,超級甜美多汁,筆者禁不住吃了幾粒,還有我喜愛的火箭菜,為這道菜拉高分數。
 
合格

另一道,是檻欖油浸鮮蝦,開邊的蝦整整齊齊鋪上,入口爽彈,而除了檻欖油外,更加入了檸汁,多一份清新感覺。
 
邪惡

四款頭盤之中,筆者最期待的,始終是邪惡的鵝肝。薄而脆的多士,與太陽蛋及鵝肝的組合,無得輸啦,只嫌鵝肝未算頂級甘香,和入口溶化。
 

主菜只選了三款,其中的春雞,燒得外皮帶點焦,賣相唔錯。的確,入口是皮香而肉嫩,喜歡的話,自行灑點檸檬汁,別有一番滋味。
 
豐富

至於海鮮湯,份量稱不上巨大,卻都算足料,各款海鮮的質素也無庸置疑,湯頭,可以再濃郁一點。
 
清新

仲有海鱸,肉嫩是理所當然,喜歡佢又加入檸檬汁,增添清新氣息。
 

呢度既梳乎厘,屬巨大版本,端上桌時總令人有興奮感覺。為忘甜品留最佳倩影,要爭分奪秒的拍照。質感對辦之餘,由於混入了橙酒,顯得份外誘人。
 
圓滿

埋尾,梗係要有杯Latte,才夠圓滿。

IvyPackage,蠻不錯的!
 
 
餐廳資料:
Ivy
中環港景街1號國際金融中心2樓2075號鋪
2383 4028
 

5 則留言:

  1. 今餐有兩份沙律,算唔算係你嘅semi green friday呀! XD

    回覆刪除
  2. 真係好少可劉總都讚菜好食呢!!!

    回覆刪除
    回覆
    1. 一早都讚, 叫你食啦! 好野黎架 XD

      刪除