2016年2月28日 星期日

北正宗 - 值得專程而來



食物:$$$$
環境:$$$$
服務:$$$$

對越南菜色並不算特別熱衷,然而,近月有兩間越南餐廳,加進了我的Wish List之中。這分別是中環的Pho Bar,以及這裡。

己沒有以前那股傻勁,一條友山攀山涉水、長途跋涉去吃個午餐,尤其是新蒲崗這個地方,確實不太方便。若不是約了人下午在附近傾嘢,我大有可能會一拖再拖。

約正午十二時來到,店內空無一客,可以任我揀位坐,又無人阻礙影相,多好!
 
喜歡這類小店
小小的店子,裝修簡約但光猛舒適,是我喜歡的類型。


跟油炸鬼
午餐有幾款選擇,但不難想像,我是會挑什錦牛肉湯河吧!
 
落柯打後,店員奉上金不換、青檸和辣椒粒等必需品,待會要統統放入湯內。另外,還送上油炸鬼,而且很新鮮,輕輕的浸在湯內一會,滋味。
 

合格有餘
湯河來到,好夠熱。先呷口湯,不算很濃,卻就是那河內味道。河粉是薄身,爽滑,也好。牛肉仍見嫩紅色,對辦,要趁快食。其餘的腩片、牛丸、扎肉等,也不失禮。
 
蠻不錯

 
跟餐,會有一份小食,是日的就係扎肉卷。其實單睇呢件扎肉卷,己可見師傅的功架。我沒有挑剔。
 

濃香
飲品,那些龍眼冰、三色冰之類,全是免費跟上。而我,卻是義無反顧的加了十個大洋,要杯滴漏咖啡。跟上的煉奶不多,偏苦,卻是又濃又香,是好東西。
 
一點左右,客人開始多,我呢個閒人,都係咪阻住地球轉。

下次,要來晚餐!
 
 
餐廳資料:
北正宗
新蒲崗景福街87號地舖
2780 6080
 

4 則留言:

  1. 要去咁遠先食到美味越南餐,呢樣真係少有喺楓葉國方便又好食嘅亞洲菜bor!

    回覆刪除
    回覆
    1. 香港都有好既越南餐廳既,係呢間較吊腳啫~

      刪除