2015年6月14日 星期日

黃記煌 - 首嚐三汁燜鍋



食物:$$$
環境:$$$1/2
服務:$$$1/2

舊公司老總約食飯,算是聚舊也好,索料也好,都無理由唔出現。大家好一段日子沒碰面,恐怕冇四、五粒鐘都傾唔完,要找間可以坐得耐,方便傾計既餐廳,倒不如吃火鍋?

大熱天時打邊邊,係咪有病呀? 大家可能會咁諗。其實,我倆均曾經歷過一天要吃幾次火鍋的日子,所以三十多度打邊爐,我們只會視作閒事。

傳統火鍋成日食,不如去吃既三汁燜鍋,比較特別,在國內好流行架? 老總話。

見識淺薄既筆者,對此品牌/ 東西零認識,但不介意一試。

光猛企理

店子環境幾光猛企理,不過可能是樓上舖既原因,是晚人客大概只得五、六成左右。
 
首嚐
有幾款鍋可選擇,其中不乏矜貴的龍蝦鍋,而我們挑中的,叫海陸空的鍋,要麻辣味型,微辣。所謂海陸空,海的代表即是蝦,陸地既佳麗係豬柳以及蔬菜,而天空的,大概就是雞件,同埋鵝腸。
 
好豈富的海陸空
服務生會先把菜蔬墊底,再把其他肉類、蝦等蓋面,煮至八、九成熟後,再下店家秘制的醬料。基本上,整個烹調程序,是在樓面完成。而吃法,是先食鍋內的東西,後加湯打邊爐。與香港人酷愛的雞煲,玩法有點類近。
 
最後加秘制醬汁
所謂的微辣,麻味只是象徵式,辣度卻不弱,辣中也滲出少許甜味,個人感覺有點像一品雞煲的那個味型。幾款材料都唔錯,如蝦肉爽彈,雞肉嫩而入味,我最愛的,是口感良佳的鵝腸。當然,吸晒味的蘿蔔,也令人著迷。
 
少不了一份牛
吃得七七八八,其實已飽,但作為食肉獸,不妨又加碟牛肉。看其雪花紋理,知道質素只是一般,另外刨得頗厚的。還好,吃起來口感仍可接受。
 
啤啤佢

飲飽食醉,談的東西,能否成事?

餐廳資料:
黃記煌
灣仔摩理臣山道9號天樂廣場1樓
2110 4043

4 則留言:

  1. 原來香港都開左? 深圳真係好興, 幾好味架~~

    回覆刪除
  2. 睇你提到鵝腸,我已經不自覺地流口水啦!

    回覆刪除