2015年6月29日 星期一

Big Fernand - 由法國來的歡樂




食物:$$$1/2
環境:$$$1/2
服務:$$$1/2

正所謂work hard, play hard。平日工作全力以赴,到了假日,梗係要盡情享受,唔係點對得住自己。

 筆者的假日節目,其實好簡單,總離不開飲飲食食,是日就去吃漢堡。

平時各位食burger,相信大部份都是美式的,頂多間中會有一次半次是港式,如去吓時新咁。而在IFC的這家,卻是賣法式漢堡的Big Fernand

上網望望,此品牌原來成立了只是三年,但在法國已有十間分店,最近在筆者的故鄉倫敦亦開了一家。香港,則是亞洲地區的首家。看來,野心不少。


給小朋友的

由於是日有小朋友一起,店方特意拿了一些小玩意給BB,如這個會出牛聲的東東,以及鬍鬚貼紙。筆者多口問店員,為什麼會有咁古靈精怪既東西,才知道,此品牌既店主,原來是諧星出身,為帶給大家歡樂,因而買了這些送給小朋友。
自家制

筆者食飯,一定要有嘢飲的,大家食漢堡通常會跟上可樂,或者奶昔。係呢度,大可配上Rose,是法國人食漢堡的正常配搭。如大家像我樣,不想喝酒的話,可以試試自家制的Lemonade。原味、檸檬和西柚口味,不相上下。

亮點是蕃茄乾

由沙律開始,這邊的沙律菜,大致新鮮,最特別是用上了蕃茄乾,更合我心水。自行下適量的醋,清爽醒胃。

是腍身版

呢度既薯條是偏腍身,不過薯仔味是幾濃郁,這反而更討我歡心。
傳統口味

大家開心「些牙」了三款漢堡,最傳統最多人食的,正是牛肉煙肉的配搭,Le Barthome。牛肉雖未致很濃郁,勝在煙肉沒有又乾又硬,跟上半溶的Raclette de Davoie Cheese,是相當之穩陣既一款。
總不會難吃的

另一款是雞肉漢堡Le Philibert,雞肉伴上甜椒,芝士及滋味的沙律醬,又是一款從不會難食的組合。
竟是最正的一款

不可意議的事情來了,因為,第三款的素菜漢堡Le Lucien,竟是我這個食肉獸最欣賞的。由Portobello大蘑菇,結合風乾蕃茄,與及芝士,包身軟熟,餡料多汁而甜美,比以上兩款,更吸引,認真估佢唔到囉。

快D出甜品啦!

據知,這裡遅一點會出埋甜品。快啲出啦唔該!
餐廳資料:
Big Fernand
中環金融街8號國際金融中心商場2樓2017號舖
6650 0580

6 則留言: