2015年7月1日 星期三

茶木 - 搶去太興風頭了



食物:$$$1/2
環境:$$$$
服務:$$$1/2

實不相瞞,筆者很多外國的朋友,回港渡假/ 工幹時,已吃過茶木,而我卻是從來沒有見識過。畢竟,我並不是台迷,很多的台式熱店,如蘆居、咖啡弄,Dazzling Café, 小弟也是沒有到訪過。當然,長長的人龍也是令我卻步的原因之一。

然而,茶木最近在荃灣綠陽開了分店,咁近我,不去拜會一下,好像又說不通。找個星期六,取了票,去完Church回來吃,時間剛剛好。

休閒之地

好中意佢張票有個QR Code,隨時睇到佢叫到幾多號,等唔等,有無過龍,自己心中有數。
 
比想像中好
雖然目標總會是吐司,不過現在年紀大了,真不可以只吃甜當正餐,因此要點些咸食,打打底先。打頭陣的溏心蛋肉燥飯,蛋果然能做到溏心效果,已羸左一半。肉燥的味道幾好,撈飯食,很容易便整碟清掉。
 
煎得脆脆的
吃了飯,也來客煎鱸魚手作麵,麵條口感頗為煙韌,鱸魚的皮煎得脆卜卜的,肉質是嫩滑,大致都沒有投訴。
 
正正常常
又要了煎餃子,一客六隻,只嫌煎得未夠香脆,味道則正正常常,恰如其分的一客小食。
 
主角?!
等了近四十分鐘,主角的黑糖紅豆綠茶雪糕層層疊終於送上。賣相確是誘人,難怪能俘虜不少女士的心,排咁耐隊都無怨無悔。吐司烘得鬆脆,紅豆大粒又甜美,只是那球綠茶雪糕,未算優質,挽底了分數。
 
又一旺場店

總結一下,若時間夾到,來吃餐飯整件吐司,絕對沒問題。但要專程的去等了又等,我就唔會了。


餐廳資料:
茶木。台式休閒餐廳
荃灣蕙荃路22-66號綠楊新邨綠楊坊2樓S7-8&8A號舖
2148 5533

4 則留言:

  1. 我都估不到這鹹食也上得檯

    回覆刪除
  2. 你講嗰D台式餐廳,我都係一間都未去過添! ^^"

    回覆刪除
  3. 雖然我都不是台灣迷,但我都幾鐘意食佢

    回覆刪除