2015年4月7日 星期二

八寶清湯腩 - 牛氣沖天



食物:$$$$
環境:$$$1/2
服務:$$$1/2

筆者份人有時都幾癲,雖不致於亦沒能力像某些成功企業家,每天推一部名車落海,但偶爾也會花一百幾十去吃牛腩。有些人聽到,或會說我是敗家仔。

別人笑我太瘋癲,我說他人看不穿,有時吃東西,值唔值,見仁見智,自己食得開心滿足便是。

咁,邊度食碗百多元的牛腩呀? 有人問。

牛牛牛...

我想說的,是紅磡八寶清湯腩的牛三寶。不是牛筋、牛肚、牛丸,而是爽腩、坑腩以及崩沙腩。
 
口水流
三寶端上來,筆者已經雙眼發亮,口水直流。呷啖湯,有一股當歸味,不俗,冬天喝到大概會更好。先嚐如橡筋圈般的爽腩,入味而且爽脆;肉連筋膜的崩沙腩,質感軟腍鬆化;至於坑腩,肉味最為濃郁。墊底還有幾件蘿蔔,夠腍身,尚算清甜。
 
口感好
這邊的手打牛筋丸亦頗有水準,入口或會覺得有丁點韌,不過再嚼下去,口感彈牙,絕對是不能錯過的一味。
 
滿足而回
再飲多杯凍飲,每次來這裡,必定是滿足而回,有時甚至晚飯也不用吃。


好癲嗎?

餐廳資料:
八寶清湯腩
紅磡蕪湖街58號地舖
2889 8366

6 則留言:

  1. 呢個我要pass啦!由細到大我都唔食牛腩,今次可以慳返舊幾水。嘻嘻!:D

    回覆刪除
  2. 而家牛肉好貴呢碗不貴啦最緊要好吃

    回覆刪除
  3. 方形相好靚呀, 用手機影架?

    回覆刪除