Instagram

2015年4月5日 星期日

海景軒 - 也有飲茶既時候



食物:$$$$
環境:$$$$
服務:$$$$

唔覺唔覺,都已在我的部落格撰寫過海景軒五、六遍。不過細心想想,每次均只是說晚飯,介紹精彩的手功菜,而中午的點心項目,卻從沒跟大家分享過。相信各位不會懷疑這裡的點心水準吧?!

既然又有機會來吃中午,那就隨手影幾張相,加插一篇「飲茶篇」!

腩仔較好

家吓去親邊度飲茶都好,總離不開一味叉燒,今趟索性來個叉燒燒腩仔雙拼。燒腩仔蠻不錯,皮脆,肉咸香,醮些少芥末,全場一致讚賞。反而叉燒看上去雖不錯,吃時卻有點兒韌,同埋我嫌唔夠肥。此時,有人說起當年的全肥叉,我聽見已經口水流。
 
效果不俗
點心方面,燒賣應該是穩膽,這次品嚐到的,更是髮菜蠔豉燒賣。粒粒企身飽滿,味道對辦,頂頭的蠔豉亦軟腍可口,並不是為做而做的節日點心。
 
怕咩食?
有人問敢唔敢食腊腸卷,其實有何不敢? 話時話,又真的許久沒嚐過此味,難怪看見點心欄有這款極品,即雙眼發光,於是來了兩籠。四件的賣相俱靚仔,包身發得軟熟,中芯的腊腸沒有過硬,且帶油香,吃得過。
 
一流丫!
又論到近期我最愛吃的宮廷咸魚包。雖然筆者並未有追看呢齣電視劇,但也得以受惠。軟熟我包身,兩邊煎得香口,本已有層次,加上咸香好吃的咸魚和豬肉餡,真想追加一隻。
 
早已達神級
海景軒的茶粿,相信不用多作推介,大家亦會懂得。底部香脆,口感煙韌,配以菜圃等餡料,是神級。
 
出色
呢幾個餓底,點都要有炒粉麵飯才夠飽肚。一味香口不油的海鮮蛋白煎米粉,以及瑤柱雞粒炒飯,是我們的選擇。兩者均有水準,但個人會認為煎米粉做得更出色一點點。
 
美滿

當然少不了我喜歡的芒果糯米卷,以及醒胃的山渣卷,作為美滿的句號。

餐廳資料:
海景軒
尖沙咀麼地道70號海景嘉福酒店B2層
2731 2883

6 則留言:

  1. 呢餐D嘢食我大部份都啱呀!

    望住堆髮菜搭喺燒賣上面,唔知點解令我覺得燒賣帶咗假髮!XD

    回覆刪除
    回覆
    1. 好彩唔係搭上粉絲, 否則佢就變左燒賣阿伯! XD

      刪除
  2. 夜晚食得多,飲茶真係未試過喎,似乎同樣有水準

    回覆刪除
  3. 劉總車爸爸問第一張相係乜卷呀

    回覆刪除