Instagram

2015年1月2日 星期五

香港烏賊中心 - 跟ET食烏賊



食物:$$$$
環境:$$$$
服務:$$$$

大家認為,朋友的定義是什麼?

須要天天相見? Whatsapp風花雪月? 還是要係人家的面書俾Like?

筆者與ET和莎莉,一年見面的次數,五隻手指數得晒,不過我從來認定,我們就是朋友。

跟ET食好野

曾經跟她們講過,想試ET的食堂,香港烏賊中心。之後,因為大家也忙到甩肺,漸漸我已忘記了。某天,收到她們的Whatsapp,相約前往晚餐。原來,佢哋已將我的說話,牢牢記在心中。
 
啤啤佢~
正如服務生所講,呢度無咩ET係未食過的,由佢請大廚安排一些店家的招牌食品給我們,肯定萬無一失。
 
完全唔會腥
由生的食物開始,一碟螢光魷魚,咬落爽口,鮮味十足,不帶半點腥味,為是晚打響頭炮。
 
新鮮
再來,是相當大堆頭的刺身拼盤。由於天天有飛機貨返,這裡的刺身總能保持新鮮。是晚吃到的,有金目鯛、胡椒鯛、平政、拖羅、八爪魚等,件件厚切,不管是白身魚或是赤身魚,均爽甜、鮮美,只是八爪魚有點點韌,須要花多些時間去咀嚼。
 
生猛
來到烏賊中心,無理由唔食烏賊咁茂李架!其實在門口的缸,一隻隻生猛的烏賊,已是信心保証。成品出來,頭部仍會郁的,而煙煙韌韌的質感,亦討人歡喜,能再鮮甜一點就更好。
 
點會唔敢食?
大家問我敢唔敢食白子,點解唔敢呢? 柔軟又creamy的口感,加上鮮味,人間極品,唔食就笨。
 
健康下
吃過幾款刺身,就以色彩繽紛的野菜間一間場。露筍、甘筍、青瓜、白蘿蔔,以致蕃茄,統統是日本產地,爽脆之餘,鮮甜度亦教人讚嘆不已。
 
漲卜卜
接著,便是兵庫縣的生蠔了。生吃的,蒸熟的,各一。先食生的,灑點檸檬汁,質素都唔錯。但相比之下,以清酒蒸熟的,隻隻飽滿,鮮甜一萬倍,超級好吃。
 

已飽了大半,此時,服務生幫我們收拾桌面,為即將送來的熱食作準備。當吞拿魚骹端上來時,我當場呆了,使唔使大得咁誇張? 以咁大條魚去計,肉質可算嫩滑,近血脈位的,肉味更加濃郁,總的說是有水準。
 
醬汁好正
之後的炸魷魚圈,外層炸得香脆而不會硬轟轟,魷魚爽口而沒過韌,配以自家秘製的醒胃醬汁,又是對辦。
 
加入了茄汁
仲有墨汁麵,其實我頗喜愛吃這黑漆漆的麵條,呢度既出品,口感幾好,除了墨汁味,還帶點點像茄汁的酸味,幾開胃,特別。
 
大滿足

以煙韌的紅豆糯米滋、香甜的木糠布甸,以及芝士焦糖燉蛋作結,差點漏提了芒果布甸,咁豐富的晚餐,教人如何不滿足呢!



餐廳資料:
香港烏賊中心
銅鑼灣登龍街28號永光中心22樓
3904 3533

4 則留言: