食物:$$$
環境:$$$
服務:$$$
兩舊水左右的日式放題,在香港原來大有市場,咁就唔好俾佢停…
之前寫過新界的瀛喜,又說過九龍的平成二十二,今趟點都論到港島區的代表了吧!
港島的佳麗,正是位處銅鑼灣的組長。在這個黃金地段,竟可以二百蚊呢個價錢任飲任食,當真有點不可思議。
帶子是首選 |
食放題,點滿一桌壽司,是指定動作吧!三文魚、油甘魚、帶子、北寄貝、蟹棒、腐皮等等,有殺錯無放過。個人認為最好的是帶子,肥美厚肉。平凡的玉子壽司,其實也是我的心水。
有小朋友在場,所以除了壽司,大家亦要了些手卷。小朋友鍾情於玉子,而大人們就會揀香口的天婦良蝦,或者軟殼蟹。
至於天婦羅,蔬菜類大致會比較合心,譬如說是茄子,同埋青椒。呢度仲有一款頗為特別的,香蕉天婦羅,聽說還是可以,不過我就沒有嚐試了。
熱食方面,還有芝士焗扇貝,這味東西,自當香口好吃。另外的燒汁牛柳粒,以及七味醋頸肉,質素只是平平,叫做試過便算。
反而燒香草羊架,就幾像樣,肉厚也有一定的羶香,羊迷要注意了。
還有我最愛的燒牛舌,起初我看錯還以為是鵝肝。此品最緊要,就是口感,這裡的也做得彈牙。
串燒陣容就誇張了,有雞腎、雞軟骨、雞骨腸、雞翼、大蝦、小蕃薯、粟米,諸如此類,總之睇見已經教人雀躍。最愛是燒新鮮菠蘿,一定是清甜。小蕃薯也十分甜美。當然唔少得粟米,是沒有失敗的可能。
再吃一杯雪糕,我揀的是古古力口味,又是飽得連翌日早餐也可以放棄。
眼前鄰桌一班年青人的食力,筆者真的自愧不如,想唔認老都唔得了。
餐廳資料:
組長日式放題
銅鑼灣駱克道491-499號京都廣場10樓
2891 6928
我都以為係鵝肝呀! XD
回覆刪除第一碟壽司最正!
帶子壽司無錯是較好的~
刪除放題真係好多選擇人多吃更好
回覆刪除下次再一齊食啦
刪除