食物:$$$1/2
環境:$$$
服務:$$$
闊太是個識飲識食之人,吃遍大街小巷,佢所認同的餐廳,唔會衰得去邊。
某日,收到她的Whatsapp,說大角咀的麵匠拉麵小籠包,唔錯。
吓? 佢竟然向我推介小籠包店子? 呢間嘢似乎非泛泛之輩。
打擾晒! |
趁要到奧海城跟朋友交收咖啡,不如提早一點,獨自去食番餐。在這旺場店子,一個人前來,預左要搭檯。打擾到對面的一對情侶,真不好意思。
餐牌也不用翻,若是我一個人到這類上海小店,擔擔麵與及小籠包,是必點的。是晚再來一杯凍豆漿。
四川擔擔麵率先送到,份量不少,麵條有粗有幼,可以確定是手拉的。質感都尚算爽口,湯底的麻醬香,同埋辣度,均恰到好處,蠻好吃的。但以我的認知,這並不是四川的版本吧!
接著來的小籠包,皮有點厚,賣相稱不上靚仔。吃起來,是有點湯汁,餡料豬肉口感還好,趁熱放入口,還好。雖不是頂級水準,但只收你廿八蚊,沒加一,交足功課了。
豆漿就不行了,欠缺豆香,未能滿意。
食兩樣嘢加杯飲品,幾十蚊埋單,今時今日,真係茶記都唔得喇!
餐廳資料:
麵匠拉麵小籠包
大角咀櫸樹街六號富多來新邨一期53號地舖
四個小籠包,一人前剛剛好呢!
回覆刪除對啦~
刪除YES, 拉麵一食就知係即拉, 好食! 只可惜地方太迫...
回覆刪除小店係咁的了...
刪除