2014年10月26日 星期日

Cafe East - 不再是日航



食物:$$$1/2
環境:$$$1/2
服務:$$$1/2

如果我問大家識唔識日航酒店,相信十個有十個都認識。

如果我再問,知唔知佢改左名? 可能十個有七個係知道的。

如果我再繼續問,咁佢依家叫咩名? 我想,大概只得三幾個會講得出。

告訴大家,現在命名為千禧新世界香港酒店。I will now recap in English. New World Millennium Hong Kong Hotel.

到底酒店的各餐廳,會否因為酒店易名而有所進步? 定還是掛住改名而影響餐廳水準? 真的要親身去探索一下。就由吃自助餐的Café East開始吧!

受歡迎

其中一個受大眾歡迎的,肯定是「日本嘢」。刺身與壽司檔,往往是大排長龍。
 
每樣來一點試試
走到刺身檔的跟前,請師傅幫忙,每樣拿了一點回來。三文魚、吞拿魚、甜蝦、帶子及玉子等,大多新鮮、甜美。壽司,我就反而沒有嚐試了。在前日航吃日本嘢,仍然得。
 
海鮮也多人捧場
另一個大家會搶攻的區域,正是海鮮。這兒的焦點,就係龍蝦。開邊的波士頓龍蝦,啖啖肉,爽口好吃,而且不乏蝦羔,是必吃的項目。當然,除了龍蝦,還會有大蝦、蟹、青口等的海鮮供各位選擇。
 
超足料
凍食的海鮮以外,我更欣賞蕃茄海鮮湯。濃郁的湯頭,因有著蕃茄在陣,變得醒胃,海鮮如大蝦、蟹腳、蜆肉、甚至乎瀨尿蝦,同埋蟶子,應有盡有,鮮甜無比,千祈唔好錯過。
 
有我喜歡的片皮鴨

唔客氣喇!

要突圍,就須有些坊間自助餐較少供應的東西,這裡的片皮鴨,正是好例子。脆卜卜的鴨皮,配以甜甜的鴨醬,同埋青瓜絲,我喜歡。又,片皮鴨,從來是老外的至愛。
 
還有不少熱食
這邊的燒豬肉,或者鐵板燒牛肉,定係燒魷魚,火侯控制都耍家,起碼不會有太韌的感覺。其餘的熱食,則普普通通,
 
天婦羅保持水準
印象中,以前日航的天婦羅,水準是比較穩定。今時今日,呢度都無令人失望,香脆不油,所以不論是大蝦,或是蔬菜,如茄子,都吃得滿意。
 
甜品是強項
甜品,是這兒的強項,款式既多,質素又唔差。如綠茶蛋糕醇厚,紅嗓子朱古力卷濃郁,提拉米蘇濕潤,栗子撻細滑等等,總之愛甜品的朋友,記得留肚在這環節。
 
美好時光
一件甜蜜的馬卡龍,配以一杯咖啡,作為晚餐的終結,教人開心滿足。
 
La Table水準又如何?
總括而言,個人認為水準是比當年的日航有所提升。那麼,法國餐廳La Table又會是如何?

留待下回分解。




餐廳資料: 
Cafe East
尖沙咀麼地道72號千禧新世界香港酒店1樓
2313 4222

8 則留言:

  1. 我好鍾意食自助餐,去到全世界都要食,例如甜品乜乜乜⋯⋯ XD

    回覆刪除
  2. 好快手呀! 我仲寫緊殷悅......

    回覆刪除
  3. 早兩日車爸爸去完呢道之後話我知改咗名但講極都講唔出新名haha~

    回覆刪除
  4. 真係唔知喎,其實水準會唔會同以前差唔多?

    回覆刪除