食物:$$$$
環境:$$$$
服務:$$$1/2
認識筆者的朋友,大概可以知道我是一名不折不扣的食肉獸,豬牛羊雞鴨鵝,統統唔會放過,最好仲要有點肥,會吃得更滿足。不過,吃得肉多,偶爾來一餐素食,清清腸胃,亦未嚐不可。當然若要我天天茹素,就冇咩可能。
舊同事請食生日飯,由我選地方。對方是素食者,加之當日我需要往灣仔開會,即時想到位於舊灣仔街市的OVO Café。
有靚咖啡 |
身處在綠意盎然的花園內,面對著專業的Slayer咖啡機,我想即使不用吃任何東西,單是來嘆杯靚咖啡,已身心舒暢。
這店子的食物選擇不算多,以簡約素食為主打,各自點了喜歡的,再分來吃,可試到更多東西。其中一款是All Day Breakfast,陣容自當不弱,薯蓉、焗豆、炒蛋、野菌、蕃茄等,一應俱全。薯蓉做得細滑,焗豆不會凍冰冰的奉上,炒蛋滑之餘,亦富蛋香,還有爽口又香的野菌,整件事感覺很清新。
另一款則是牛油果三文治,份量可不簡單。包身軟熟可口,牛油果從來是我的心水,加上濃香的芝士,以及新鮮的蕃茄和生菜,絕對美味。
晚餐後,按習慣來一杯咖啡,是晚照舊飲杯鮮奶咖啡吧!侍者把咖啡奉上時,朋友忍不住嘩了一聲。漂亮的熊bear bear拉花,的確很吸睛。呷一口,醇厚舒服。在小病初癒的情況下,能喝回一杯水準咖啡,心情也寧舍開朗。
在這悠閒的環境下,心情頓時輕鬆起來。如果天天都可放緩腳步,享受一下,人生大概會變得更美好。
餐廳資料:
OVO Cafe
灣仔灣仔道1號地下 (灣仔舊街市內)
2527 6011
我都中意佢個環境...可惜仲未有時間去
回覆刪除趁暑假同你阿妹去啦!
刪除熊bear bear真係好可愛呀!
回覆刪除其實食素嘅三文治感覺會更清新,食完又無咁覺得個胃頂住頂住!
超可愛!
刪除間中一餐我都OK既~
可接受喎,睇落唔太齋
回覆刪除呢度都還好
刪除杯咖啡拉花好精美呀睇見都想飲呢^0^
回覆刪除真係睇見都開心~
刪除