收到Secret Ingredient的邀請,內容大概是拿一點材料給我們,然後自己在家動手煮。看到類似的電郵,筆者是不以為然,但兩位拍擋好像有點興趣大展身手,那我就陪大家柴娃娃玩吓煮飯仔。
由拔兄去接洽,到底拿什麼材料,要煮什麼,於我而言是一個謎。直至當天,他和文廸拿著三大袋東西上甜魔媽媽Yan屋企,內容有雞有牛又有羊,當然唔少得甜品。又其實,只要大家訂購滿$400,不論閣下是住在九龍或是港島區,也可以送到府上。Otherwise,在港鐵站交收也沒有問題。
原來所有材料和調味已經一盒盒的pack好晒,肉類經已醃好,仲要有埋說明書,一個個step咁教齊大家點做,無技術可言,對於下慣廚的朋友來說,可能會覺得幾無癮,但入廚新手相信會幾喜歡。
由牛扒開始說起,醃好的澳洲牛扒,只猛火煎一煎兩邊,封住肉汁,再轉慢火去煎好,大家都想吃熟一點,就輕輕煎耐少少,出品味道總不會難食,亦都一定唔會太韌。另,牛扒還配有沙律,只把沙律菜和dressing撈勻便可,就交由拔兄負責。
雞肉同樣道理,生熟程度,任君選擇,最後才下點現成的醬汁。只是配雞胸的不是沙律菜,而是有青瓜片、茄子、蕃茄等材料,烹調幾分鐘便又是另一道菜色,簡單方便。
仲有羊架,連埋青瓜及洋蔥,又是不用十分鐘便可上碟,各位喜歡的話,或者要「見家長」考廚藝的話,這裡會是一個好選擇。
零難度 |
但好吃 |
最後仲有三款批,分別為All American
Apple Pie、Apple Crumble Pie和Wholly Heavens Pecan Pie ,呢個仲簡單,跟著指示放入焗爐焗就是,成品自會香噴噴,味道又對辦,白痴都可以變大廚。
是晚甜魔媽媽Yan借出廚房,真係打搞晒!
材料贊助:
Secret Ingredient
上環蘇豪太平山街32-34號地下
2108 4000
好想食你同Mandy D出品喎
回覆刪除我唔識煮架~
刪除