食物：$$$1/2
環境：$$$1/2
服務：$$$1/2
在大會堂門口，友人開玩笑的跟我說：「Fantastic Ladies Café喎！For ladies only，你打算入去?」
「有咁多Fantastic Ladies在Café裡面，仲唔快步入去呀！」我打趣地回答。
其實，這裡是香港循理會的社企，旨在為婦女提供就業機會，讓主婦從照顧家庭的角色，再自強不息，以餐飲服務貢獻社會。這樣，Fantastic Ladies Café的取名就清晰得多。
社企的餐飲，地方肯定不大了，但裝修幾有心思，至少令人感覺舒服，沒太多壓迫感。我們被安排坐在店內最入的有利位置，更好。
午餐的價錢都是四十蚊左右，而且有共十六款的選擇，小小的社企能做到這樣，都算係咁。柯打了食物，瞬間便送上餐湯，是南瓜湯。色水已是不錯，南瓜味道濃郁，很有驚喜。至於餐包的蒜茸包，咬落脆卜卜，如蒜泥味能重一點，便更能討我歡心。
大家都吃意粉，或者大家都會估到，我揀的又是Carbonara。賣相未算好靚仔，但意粉軟韌度對辦，幾creamy，要挑剔的只是蛋香不足，以及煙肉可再香口一點，但我其實已接受了。
對方的是豬扒意粉，沒嚐他的意粉，只試了點豬扒。起碼不會好韌，邊位帶點肥，是我的心水，但醬汁是略酸，同埋明顯的好厚，有改善空間的。
午餐可跟$13以內的飲品，看過飲品的餐牌，原來大部份飲品都只是$13，即是大把選擇。我就來杯荔枝乳酸，確是有乳酸的清新感覺，但荔枝味應要再加多。是可以平衡得更好的。
兩個人埋單八十有找，吃得飽飽的離開，是值得支持的地方。
餐廳資料:
Fantastic Ladies Cafe
荃灣大河道72號荃灣大會堂地下
2417 1799
沒有留言:
張貼留言