食物：$$$$
環境：$$$$
服務：$$$$
每次相約同事或朋友食飯，選地點的重任都是落於我手中，今次亦然。醒起Oli & Yan在Pizza Express的食評中勁讚甜品水準甚高，我也心思思想去，加上薄餅亦岩大家心水，是穩陣之選。
大家各揀一款咸點share食，有人提議食牛油果煙肉沙律，有人聽服務員的推介要黑松露菌薄餅，而我就想食意大利雜肉拼盤。
沙律的什菜幾清新爽口，牛油果味道濃郁，煙肉也是香口，旁邊還有幾件鬆軟的小麵飽作襯托，加之有不少的醬汁撈入蔬菜裡頭，既fresh之餘亦很開胃。意大利雜肉拼盤材料有巴馬火腿、咸火腿、辣肉火腿及意式麵飽等等，總括來講咸香味十足，吃落很有風乾既感覺，意式風味甚濃。
這個黑松露菌薄餅端上來時香氣撲鼻，薄餅是屬薄批，更加香脆，同時黑松露菌味道很濃，又不會太漏。服務生話呢款薄餅係其中一款最受歡迎的，果然無介紹錯。
食完咸野大家都飽得七七八八，但我已經預先向大家提出，怎樣也要留番少少位置去品嚐甜品。向服務生拿個Dessert Menu，選了三款甜品。
先來芝士蛋糕，質感軟滑，芝士味香，旁邊遠配上一球雲尼拿雪糕，是令人滿意的一款甜品。香蕉杏仁片撻相對遜色，雖然撻焗得幾香口，但總覺得兩者的味道和口感格格不入。
我揀的當然是甜魔們極力推薦的Chocolate Glory，濕潤而軟滑的朱古力蛋糕，加上濃烈的朱古力漿，再配合清香的尼拿雪糕及一枝脆卜卜，那種冷暖融合的感覺，倍添滋味。
服務生個個通曉中英文，服務細心又到位，值得一讚。
餐廳資料:
Pizza Express
灣仔船街嘉薈軒4號舖
2861 0600
沒有留言:
張貼留言