2010年1月9日 星期六

The Stonegrill - 燒幾熟,隨便你


食物:$$$1/2
環境:$$$1/2
服務:$$$1/2

The Stonegrill,有得食又有得燒,有多D時間俾大家吹水,實是理想的選擇。話時話,三條友都好耐冇聚埋一齊食飯。


自已燒既野,無用考究師傅的技巧,最重要還是看才料是否新鮮。不過,像我這煮食白痴,多頂級多新鮮的材料也只會浪費。


為求試多幾款食物,大家商議後決定要三個石燒套餐,大家叫不同的配料share食。服務生端上來的配料有魚、有蝦、有帶子、有魷魚、有和牛、有羊架、有磨菇,份量雖不算多,但人人可以試到一點,策略還是正確的。


和牛、磨菇,好快燒熟,需要的技巧相對要小,而且材料夠新鮮,所以我勉強都可以應付到。說實在,和牛好軟好有味道,磨菇也屬有鮮味。羊架?有高手燒出的制成品,生熟程度剛好,我也不必自己去燒了。


第二輪是燒海鮮,我嘗試燒鱈魚和魷魚。經一段時間的烹調,魚的面層小許燒焦,肉就剛熟,味道鮮甜,算是我的代表作。至於魷魚,明知是靚貨,也蝦我燒到甩頭甩骨,不敢恭維。


鴨胸是一大塊,以我既技術,莫講話要求味道,只燒熟佢都有一定難度。好在有高手在場,把美味的鴨胸征服。制成品是皮脆肉嫩,不遜於大師傅的出品,但說穿了還是材料的級數有番咁上下。


燒就燒完,食也食飽,又要點甜品了!同樣是叫三款大家share食。


藍莓芝士餅的藍莓甜,芝士味濃,亦軟滑,大家一致認為是最好的;其次是Apple Tart,撻底幾鬆化,配合滑溜的雪糕,也是可以;


較差的是Tirimisu,不香,咖啡味道不重,口感也久佳。


由七點食到十點半,足足三粒半鐘,大家風花雪月,無所不談,這麼的一個晚上,多美滿哦!

餐廳資料:
The Stonegrill
尖沙咀廣東道17號海港城海運大廈地下OT G01-02號舖
2721 9999

2 則留言: