食物：$$$$
環境：$$$$
服務：$$$$
相約久未露面的朋友出來食飯聚舊，打邊邊似乎最適合。
香港人最愛任點任食，呢度除左係一人一鍋外，更可以QR Code落單，嘢食有人送來 (當然你可自己出去拎菜蔬、飲品、雪糕及甜品等)，岩晒我呢類懶人。
在門口見到有個幾吸引的壽喜燒Package，凡惠顧澳洲200天穀飼牛或指定的套餐，只需加$39，就可以有埋壽喜燒，一次過滿足兩個願望，抵玩！率先奉來一碟頗有氣勢的食物，是在肉類之上加上棉花糖，大人小朋友見到都開心啦~店員會細心地教你這壽喜燒的吃/玩法，甚至可以示範一遍。看他先將和牛牛油熱鍋，煮香蔥段同洋蔥，再加入棉花糖鍋，很快地棉花糖已在鍋內消失，變成糖分，此時可以將牛肉放入去煮，加壽喜燒汁，做出自己喜歡的風味。和牛片、和牛芝士串及煙肉串，以關西風的壽喜燒做法，甜美好吃，沾上蛋汁，更加細滑。吃得差不多，就轉換成火鍋。我哋揀既係最高級的套餐，用上日本九州黑毛和牛，質素非常好，看其色澤及雪花已告知一切。的確，入口軟嫩，油份足，很好吃。有些地方的火鍋放題，即使吃到最高級別，第一碟牛好靚，之後就每況愈下，但呢度就完全無咁既問題。再來的第二碟、第三碟，同樣靚仔。雖然是牛魔王，但也吃點別的肉吧！北海道四元豚，質素絕不失禮。牛舌、丹麥梅花肉等都吃得過，只是珠玉在前，我哋都係專攻九州黑毛和牛了。還是要有點蔬菜平衡下，金菇牛肉卷及露筍牛肉卷等，朋友就出去再拎大大碟什錦菜蔬回來，之後再加個王子麵，肯定滿足。除左火鍋生料，都有些小食可選，嗜辣的朋友一定要試試麻辣魚皮，另外其他的如煉奶油條、流心白茶芋球、地瓜球及鹽酥雞等，都絕不欺場。飲品方面，既可在雪櫃任拎汽水及外型精緻的冷泡茶，亦可落單點上各式手搖茶 (是的，手搖茶也是任喝)，我又鴨屎香檸檬茶又百香果茶咁，相當放肆。還有許多嘢想食，可惜胃納太細，食埋杯雪糕，已飽得不能再動。很高質的火鍋放題，朋友無介紹錯！
餐廳資料:
一鼎。台式火鍋
將軍澳唐德街9號將軍澳中心1樓130-132號舖
23001383
沒有留言:
張貼留言