茶醺 - 小野餐

連續落左N咁多日雨，人也悶透了。趁這天下午停了雨，把握機會出外呼吸下新鮮空氣。

不用走太遠，西九就好。在M+ 一帶，既有維港美景，亦有狗狗耍樂，最重要當然是有美食車/檔口。

揀左名字好有趣的茶醺 (Tea Fun)，有特色茶飲又有酒，再來些小食，自製一個小野餐。

一系列的小吃，煙燻脆皮腸贏在口感。煙煙韌韌的魚肉燒賣，靈魂在於那秘製的煙韌辣油，香辣俱備。

朋友喝酒，自然要挑些香口嘢來佐酒吧！

三款炸物，單骨雞翼、薯寶，以及鹽酥雞，均灑上了抹茶鹽，帶點茶香的咸香味道，幾有新意。薯寶一向是我喜歡的東西，雞翼香脆肉嫩，滲出微微的辣勁，都是好東西。可按自己既喜好，沾上甜辣、蒜香、日式或者係傳統既茄醬，添加滋味。

認識我既朋友都會知道，我是超級愛吃甜的，幸好這店仍有甜食供應。四款口味的葡撻，包括原味、抹茶、奶茶及伯爵茶，果真是貫徹店家的名字。估唔到呢類小食店，款款葡撻都咁出色，第日我經過九龍站，話唔定會專程行幾步過來買葡撻吃。

至於飲品，季節限定的柚子白芽烏龍沙冰，滲出柑橘的芬芳與烏龍茶的氣息，炎炎夏日喝很合適。然而，我始終是氣泡茶的忠粉，所以對氣泡檸檬茶，是愛不釋手。

朋友的雞尾酒都好清爽，當然大家更可選擇加入了茶既成份的精釀啤酒。

偶爾來個小野餐，吹吹海風，倒是很舒服的。

店舖資料:
茶醺
尖沙咀博物館道18號西九藝術公園地下4號舖