都說我很喜歡打邊爐，一年四季都可以，三十幾度既夏日完全阻我唔到。
去年曾經到訪過火井，真材實料，大家都吃得滿意，所以今趟又諗起呢度。
現今的火鍋店，湯底做得愈來愈出色，愈來愈刁鑽，如是夜我哋揀的兩款，火井冬瓜盅，與及西瓜爵士湯，都是為這個盛夏而設的嶄新出品。餐廳更加非常有心思，與香氛設計師合作，推出西瓜及冬瓜口味的香氛噴霧，配合兩款湯底口味，用餐前搓下手，保持衛生，相當貼心。將傳統的消暑冬瓜盅完美變成火鍋湯底，在打邊邊前先喝啖湯，又冬瓜粒又羊肚菌又金華火腿，仲有蝦肉及夜香花等，肯定好飲，而且感覺更清熱下火，平衡打邊爐既燥熱感。至於西瓜爵士湯，就是以經典爵士湯為靈感，保留螺頭、雞腳、花膠及金華火腿等，再以西瓜取代蜜瓜，湯頭必定很甜，原來西瓜煮過後唔單止唔會爛，那絲滑的口感及清甜味會是如斯精彩。等湯底滾起需要時間，此刻先吃些刺身就最好。加拿大象拔蚌刺身是預期中的爽甜，更有驚喜的是石蚌，口感實在，魚味濃鮮。香港人打邊爐點可以沒有牛肉呢，軟滑既牛頸脊搞到大家停不了口，更要「安哥」一碟，可想而知有幾吸引。當然也有點上豬肉。第一刀，入口爽彈，肉味濃郁，沒有粗硬的肉筋，是不吃牛既朋友的最佳補償。呢度既嚮聆，當然是自家制作，即叫即炸，絕對唔會用現成貨，入口自然更鬆脆熱辣，就咁食又得，放入湯底輕輕拖一拖再食亦可，沾上酸甜的汁醬，開胃可口。自家包製的韭菜餃，以及瑤柱菜肉餃，均是真材實料，大大隻漲卜卜，但再飽肚我都要吃兩粒。墨魚滑及鮮蝦滑，相比之下我會更欣賞後者，彈牙又有鮮味。多麼滿足的一夜，大定淥下嘢食，傾下計，笑聲不斷。
餐廳資料:
火井火鍋海鮮飯店
西環石塘咀皇后大道西419號地舖
25474508
沒有留言:
張貼留言