常說很佩服帝京的廚師團隊，不論午市、晚市，抑或下午茶，不時會有新主題，而且絕對唔是交行貨，出品每每讓人會心微笑。
今個盛夏，佢哋推出以東南亞風味為題的下午茶，岩晒數喇~
酒店做事素來一絲不茍，就連盛載食物的器皿，也選用了長長芭蕉葉形狀的碟子，充滿東南亞風情。睇睇下午茶既內容。既有越南的米紙卷、又有馬來西亞的榴槤甜點，以至泰式之沙嗲、船麵及香芒椰汁紫米布甸，仲有店家招牌的鬼馬蛋糕，與及滿載夏日風情的泰式奶茶和珍多冰，讓味蕾遊走東南亞多國。先由清新的越式米紙卷開始，煙韌的外皮包裹著鮮蝦、芒果肉及甘筍、青瓜、粉絲及九層塔等食材，夠晒醒胃。沙嗲則採用雞髀肉及豬梅頭肉，燒至微微焦香，又唔會硬轟轟，自行沾上層次豐富的沙嗲醬，不錯吃。香脆的農夫包，迷你份量，以香而不太辣的白咖喱伴小龍蝦，惹味可口。和牛船麵更加是任食的項目，小小的一碗夠地道，湯底醇厚，和牛細嫩，仲有粒豬肉丸，好岩口胃。其實食幾碗，真的可以連晚餐都省回。甜點的香芒椰汁紫米布甸很精緻，自行以小試管注入椰漿，撈埋軟糯仙人飽滿的紫米，再配上香甜的芒果，從來是我喜歡的口感與味道。接著是兩款榴槤甜點，分別係貓山王榴槤千層酥，以及貓山王榴槤斑蘭雪芳蛋糕。前者酥脆，層次分明，但論榴槤香氣，斑蘭雪芳蛋糕就更為突出，畢竟是有香滑的榴槤蓉在陣，結合絲絲斑蘭的香氣，吃得呵氣如蘭。
雪糕曲奇三文治採用了The Ice Cream & Cookie 的品牌，六款口味任點任食，曲奇口感很好，雪糕我覺得菠蘿香蕉，同埋珍酒都幾有特色。記住，這是無限量供應，有食力的甜魔朋友，大可試齊全部口味。酒店的鬼馬蛋糕玩到出神入化，呢個下午茶套餐，佢哋都加入左以海南雞飯為造型的椰子芒果慕絲蛋糕。以芒果啫喱扮成的雞皮，椰子慕絲做的雞肉，整體口感輕怡清爽，絕對唔係得個樣的打卡甜點。如果大家是榴槤控，又怕下午茶套餐太飽的話，酒店還推出了榴槤拼盤及榴槤甜品拼盤，俾大家多個選擇。葫蘆、貓山王及黑刺三款真榴槤，甜品拉盤則配搭了剛才提及過的貓山王榴槤千層酥、貓山王榴槤斑蘭雪芳蛋糕，同埋香芒椰汁紫米布甸，大家可按自己的食量及喜好作出選擇。
餐廳資料:
獅房菜
旺角太子道西193號帝京酒店3樓
26226088
沒有留言:
張貼留言