Oink! Oink! - 有點誠意的打卡餐廳

食物：$$$1/2
環境：$$$$
服務：$$$$

生活不乏小驚喜，因為玩遊戲贏到了獎品，可與朋友一齊大快朵頤。

這家以豬叫為題的餐廳，似乎幾有趣，若不是得獎，我甚至不知道有呢個地方。

餐廳有戶外及室內的地方，但三十幾度的氣溫，相信無人會咁搏命坐出外面吧，雖說是有風機啫。

估唔到佢既出品都幾有誠意，是日餐湯都拉晒花咁，打卡一流。最重要是喝起來夠熱，又夠濃郁，收貨有餘。

黑松露薯條新鮮炸起，香脆，比連鎖店吃到的出色多了。除左松露醬，店家仲俾埋茄汁，多一個選擇當然好。

再來法式蝦多士，孤漏寡聞既我從來未見過如斯精緻的蝦多士。麵包烘得鬆脆，蜜糖芥末醬的調味也不俗，若然中間的蝦膠可以再彈牙一點，必會更迷人。

店家的招牌菜式，正是這款芝士燒豬肋骨。店員會在大家眼前將熱溶芝士倒在豬肋骨之上，又是一大拍片位。再講，佢都唔係得個樣，豬肋骨鬆化入味，易離骨，伴以香濃的芝士，肯定唔差，但就會是想像得到的漏。原來呢份出品，仲會肯埋唔少沙律及薯條，早知前菜就不點黑松露薯條，而選擇其他。

另一款主菜，要了燒甜椒汁虎蝦扁意粉，意粉口感夠彈牙又掛汁，將虎蝦身開邊，賣相都合格有餘。

如果套餐可以加點錢有甜品就好，但不打緊，都已經好滿足了。

飲埋杯跟餐的凍檸茶，差不多時間打道回府~

餐廳資料:
Oink! Oink!
觀塘協和街33號裕民坊YM² 2樓205號舖
29888289