食物：$$$$
環境：$$$$
服務：$$$$
人在尖沙咀，要找地方醫肚，忽然醒起廚魔茶室，立即向金巴利道方向走去。
這家由飲食界傳奇人物梁經倫打造而成的新派茶餐廳，網上評價一般般，本人在茶室剛開時曾幫襯過，但那時實在太新 (仍是試業的頭幾天)，許多廚魔的招牌菜式仍未有供應，所以不能在參考。
午餐餐牌好簡單，飯麵類加埋都係十款左右，兩款廚魔的招牌菜式亦已有供應。
廚魔焗豬扒飯是招牌之一，熱呼呼的拿出來，香噴噴，色澤幾吸引。茄醬唔會過酸，芝士做到拉絲，豬扒鬆化，蛋炒飯底香口，價錢只比快餐店貴少少，我覺得收貨有餘了。家陣肉餅飯大熱，我就唔會入元朗排兩粒鐘吃「亞洲第一」肉餅飯了，見呢度都有肉餅飯，仲要押埋廚魔個名上去，那肯定要來一客。肉餅薄薄的，蠻大塊，煎至表層微脆香口，配上靚靚仔仔的千島汁，底下則是蛋炒飯，伴以白汁，賣相是贏晒的了，味道也無刎投訴，當然如果你是要吃傳統冰室的港式肉餅飯，呢度就唔岩你。吃飯麵，加九個大洋可配飲品，竟然係熱檸茶熱咖啡同特飲如紅豆冰及菠蘿冰等同價，那就老虎蟹都要特飲吧！紅豆冰的紅豆綿密，加埋碎冰一齊入口，齒頰留香。也真的太久沒喝菠蘿冰，清爽解渴。雖然有廚魔的大名氣，價錢都沒有太過離地，如果想入門版咁感受一下廚魔是什麼一回事，不妨一試。當然，若你係要知廚魔真正既料子，就去番Bo Innovation啦~
餐廳資料:
廚魔茶室
尖沙咀金巴利道80號奇盛商業大廈UG樓
沒有留言:
張貼留言