食物：$$$1/2
環境：$$$1/2
服務：$$$1/2
澳洲朋友一家回港渡假，終於可以見下面。
佢哋行程非常緊湊，只能在荔枝角吃個Early Lunch，之後又有下場。
不過，難唔到我既！由我建議，去了近地鐵站的碧儷苑飲早茶，皆因嗰度有傳統既點心，又有小朋友必定中意既卡通點心，一舉兩得。
以前酒店佔兩個舖位，近年就只保留了一半，另一半已轉成其他的餐廳了。酒家保留了一些現今已買少見見的懷舊點心，如腊腸卷、干蒸牛肉燒賣，與及這款灌湯餃。是真正的傳統灌湯餃，即係隻餃包湯，而不是坊間那些湯浸餃。戰戰兢兢地用筷子夾起，細細口的慢慢品嚐，蟹肉多很足料，不需沾淅醋，原汁原味就是最好。
山竹牛肉也是小時的味道，頂頭放件花菇，就更賣得起價?
平時吃腸粉，不是叉燒腸、蝦腸就是牛肉腸，頂多就是近年興起的春風得意腸。然而，將叉燒腸粉加入甜梅菜，又真是較為罕見，吃起來又是另一番滋味。剛才說過，店子亦有推出多款新派的點心，譬如這款紅袍荔枝，十足十荔枝的造型，實質就是奶皇煎堆，再混入點點荔枝肉在內，香口甜美。可愛小鴨子，店器底下放了乾冰，上桌時店員會注入水，兩隻鴨仔頓時就在仙境玩耍，小朋友非常開心。同樣是奶皇餡料，因為可愛的造型，兩隻小鴨子也成為了小朋友的囊中物了。最後炒多碟蝦籽羊肚菌炆伊麵，飲早茶嚟講，夠晒豐富了。
下次再見，希望是在悉尼吧！
餐廳資料:
碧儷苑
長沙灣長沙灣道786-788號羅氏商業廣場地下A號舖
27883828
沒有留言:
張貼留言