越之廚正宗越式餐廳 - 地道

食物：$$$$
環境：$$$$
服務：$$$$

難得過開港島東那邊，就同朋友食埋晚飯才回去。

友人建議來這家新開的越南小店，據聞店主是越南人，所以出品應該有保証。

我沒有異議，反正未試過的餐廳我都會有興趣。

先來碟軟殼蟹芒果米紙卷，個子比我想像中要大一點。煙韌的外皮，豐足的餡料，香脆的軟殼蟹及甜美的芒果，呢個組合都好穩陣。

再來份小食拼盤，既有魷魚餅，又見到春卷、雞翼、扎肉及越式蒸粉卷，內容好豐富。好少係香港食魷魚餅，幾彈牙。而香脆又多餡的春卷，以及炸雞翼等香口嘢，自然岩我口胃。蒸粉卷都做到外皮晶瑩，口感略帶煙韌又豐富的效果。

見餐牌有海鮮蟹羔檳榔葉豬肉卷湯檬，忍唔住點了碗，跟朋友分享。湯底做得很好，夠開胃，仲有番茄放在內，好正宗的越式做法。印象中只是第二次係香港食到檳榔葉，將之包豬肉卷，更能帶出豬肉的味道，真不錯的豬肉卷。當然蝦肉等的海鮮，也不差。

由於太愛吃香口嘢，所以撈檬我揀左春卷耕牛肉。自行注入適量既魚露，酸爽醒胃，牛肉據知是用上美國牛，質素幾好，而春卷就跟小食拼盤的一樣香脆。

以一杯濃郁的滴漏咖啡作結，才夠圓滿。

夜晚飲咁濃既咖啡，唔怕瞓唔著嗎?

於我而言，一點關係都無。

餐廳資料:
越之廚正宗越式餐廳
鰂魚涌海光街6號地舖
96851213